Polisie begelei tandarts glo uit teater

14 November 2019 | Politiek
Denver Kisting – Die onafhanklike presidensiële kandidaat, die tandarts dr. Panduleni Itula, moes Dinsdagaand glo deur die polisie uit die Nasionale Teater van Namibië (NTN) begelei word.

Dít kom nadat Itula vroeër vir Eagle FM laat weet het hy stel nie in dié geselsradiostasie se presidensiële debat belang as pres. Hage Geingob nie daar gaan wees nie.

Volgens Ndapewoshali Shapwanale van Eagle FM het hulle besluit om Itula se plek op die debatstel met opset oop te los, omdat hy ter elfder ure gekanselleer het.

Itula het toe later die aand sy opwagting by die NTN gemaak en wou die verhoog glo betree ná die verrigtinge onder leiding van mnr. Wonder Guchu reeds goed op dreef was.

Die organiseerders het geweier om hom toegang tot die platform te gee.

Hy het na wat verneem word oproerig geraak en die polisie, wat op die toneel was, se hulp is ingeroep.

Op die kletsruimte Twitter het Itula Dinsdagaand gesê: “Verskoning vir die terelfderure-kansellasie van die presidensiële debat, maar my resies is streng teen Kameraad X.”

Kameraad X is oënskynlik Geingob.

’n Bitter stryd woed die laaste ruk binne Swapo omdat Itula weier om uit die regerende party te bedank, ofskoon hy teen Geingob staan om die land se volgende president te word.

Me. Gwen Lister, voorsitter van Namibia Media Trust, het Itula oor sy besluit gekap: “Dit is oneerbiedig teenoor die organiseerders en die mense wat bygewoon of ingeskakel het om in die doodsnikke te onttrek, @dr_itula. Jy het vooraf geweet @hagegeingob sou nie daar wees nie.”

’n Ander Twitter-gebruiker het Lister se woorde geëggo: “En dít van die persoon wat veronderstel is om ons belange op die hart te dra? Dit lyk meer na ’n persoonlike stryd. Werklik teleurgesteld – ’n stem van my verloor.”

Van sy 29 000 volgelinge op sy Facebook-blad het hom ook oor sy versuim voor stok gekry.

Nóg Itula nóg sy veldtogbestuurder, me. Ella Nghifindaka, het gister op navrae oor die beweerde relletjie gereageer.

Adj.komm. Edwin Kanguatjivi, nasionale polisiewoordvoerder, het by navraag gesê niks is onder sy aandag gebring nie.

Verteenwoordigers van die Popular Democratic Movement (PDM), die Rally for Democracy and Progress (RDP), National Unity Democratic Organisation (Nudo), Landless People’s Movement (LPM) en Swanu het aan die debat in die volgepakte ouditorium deelgeneem.

- [email protected]

Soortgelyk

 

Covid-19-gevalle styg met 96 tot 1 618

21 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...