Pocock help Perth se haweloses

13 September 2018 | Sport
Die Wallaby-ster David Pocock se vrygewigheid strek blykbaar verder terug as wat mense waarskynlik besef.

Daar is oor die jare reeds baie berig oor die 30-jarige losvoorspeler se Eightytwenty Vision-liefdadigheid, wat geld insamel vir mense in nood in Zimbabwe.

Maar die verhaal van die bedrewe baljagter wat ’n tjek wat hy as speler van die wedstryd verdien het op slaapsakke vir die haweloses in Perth spandeer, is nie alombekend nie.

Stuff berig dit was ’n 18-jarige Pocock se optrede in 2006 wat die Cardiff Blues-afrigter en voormalige hulpafrigter van die Western Force, John Mulvihill, bybly.

“Wat sou jy met $1 000 doen?” vra Mulvihill.

Pocock, op daardie stadium in sy tweede seisoen van Superrugby, het vir seker nie gedoen wat ’n mens van sekere jong spelers deesdae sou verwag nie.

Hy het ’n kettingwinkel besoek en 20 slaapsakke vir $50 elk aangeskaf.

“Hy het dit in sy motor gelaai en rondom Perth bestuur,” sê Mulvihill.

“Hy het uit sy motor geklim en ’n man in die straat gesien en gesê: ‘Luister maat, ek hoop hierdie sal jou bietjie meer beskermd en veilig laat voel’.

“Hy het dit regtig gedoen.”

Pocock, wat sedert 2008 toetsrugby vir Australië speel, het al 20 slaapsakke wat hy gekoop het, aan hawelose mense in Perth uitgedeel.

“Klein dingetjies soos daardie laat jou besef dat as jy iets kan doen om iemand ’n bietjie gelukkiger in die lewe kan maak, is dit briljant,” sê Mulvihill.

Die afrigter sê hy hoop om dieselfde tipe waardes by die Blues te vestig. – Netwerk24

Soortgelyk

 

‘Aarde lag deur haar gebarste gesig’

1 dag gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

1 dag gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

2 dae gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

2 dae gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

2 dae gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

2 dae gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

2 dae gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

2 dae gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

2 dae gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...