Plunderwoude: Ministerie ontken ongerymdhede

Vinger na boere gewys

13 December 2018 | Plaaslik
Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is wettig.

Dit is egter boere se verantwoordelikheid om ook ‘n omgewingsklaringsertifikaat te kry.

Terselfdertyd het dit aan die lig gekom dat ‘n lys met die name van meer as 500 permithouers wat nie oor enige omgewingsklaringsertifikate beskik nie, aan die ministerie van die omgewing oorhandig is.

Minister Alpheus !Naruseb het gister tydens ‘n dringende nuuskonferensie in Windhoek volgehou ingevolge die bosbouwet van 2001 is die huidige oes van hout wettig.

Hy het gesê ingevolge die omgewingsbestuurswet van 2007 is dit egter die verantwoordelikheid van diegene wat hout wil oes, om ook ‘n omgewingsklaringsertifikaat te kry – iets wat húlle glo versuim het om te doen.

Mnr. Percy Misika, die ministerie se permanente sekretaris, het ook bevestig dat oesbedrywighede opgeskort is en geen nuwe permitte uitgereik sal word vir die oes en vervoer van hout voordat aansoekers nie bewys kan lewer dat ‘n bosbou-opname gedoen is en ‘n omgewingsklaringsertifikaat van die ministerie van die omgewing en toerisme gewys kan word nie.

Dit volg nadat die ministerie van die omgewing en toerisme verlede maand ingegryp het by die grootskaalse oes van beskermde, inheemse boomspesies in die Zambezi, Kavango-Oos- en Kavango-Wes-streek.

Volgens dié ministerie het hulle nie ‘n enkele omgewingsklaringsertifikaat uitgereik vir die afkap van en kommersiële handel in hout nie, wat beteken die grootskaalse ontginning van beskermde boomspesies is alles onwettig gedoen.

“Ongeag dat die meeste mense wat hout oes oor ‘n wettige oespermit beskik, het onwettige insidente op verskeie plekke in die woud op verskillende tye plaasgevind,” het !Naruseb gesê. “Dit word tans deur ministeriële amptenare, asook die polisie opgevolg en hanteer.”

Die direkteur van bosbou, mnr. Joseph Hailwa, het tydens die geleentheid gesê enige hout wat wel onwettig geoes is, is reeds gekonfiskeer en sal binnekort op openbare veilings op Katima Mulilo, Rundu, Nkurenkuru en by die Mururani-hek verkoop word.

WETTIG?

Misika het tydens die geleentheid ook beklemtoon dat die uitreiking van oespermitte volgens wet deur die verantwoordelike owerhede gedoen is - wat die direktoraat van bosbou is.

“Die meerderheid permitte wat deur die ministerie uitgereik is, is nie onwettig nie. Ongelukkig, toe mense begin hout oes het, het hulle nie by die voorwaardes van die permitte gehou nie. Waar die oortredinge by ons aangemeld is, het ons opgetree.

“Ons het ‘n omsendbrief aan alle amptenare gestuur om die uitreik van oes- en vervoerpermitte te staak totdat ons seker is dat die aansoekers alle wette nakom – ook dié wat nie binne ons domein val nie,” het Misika gesê.

Hy het verduidelik dat aansoekers eerstens moet kan bewys dat hulle Namibiërs is wat grond privaat besit of oor ‘n langtermynhuurpag oor ‘n stuk grond beskik.

“Tweedens moet ‘n opname deur die direktoraat van bosbou gedoen word sodat daar vasgestel word van watter en hoeveel hout deur die aansoeker geoes kan word.

“Die volgende stap is dan vir die aansoeker om aan ander vereistes gehoor te gee, wat behels dat hy ‘n omgewingsimpakstudie moet uitvoer en ‘n omgewingsklaringsertifikaat moet kry. Dit word nie deur die ministerie van landbou, water en bosbou gedoen nie.”

Misika het ook gesê die ministerie neem nie beheer oor aan wie hout verkoop mag word nie. “Dis besigheidseenhede wat self besluit aan wie en vir hoeveel hulle hul produk wil verkoop,” het hy gesê.

Hailwa het tydens die geleentheid gesê die ministerie beskik oor ‘n program vir die hervestiging van woude en dat hulle steun aan gemeenskappe bied om meer bome te plant.

Hy het egter bygevoeg ‘n gebrek aan water is die grootste struikelblok vir die program en noodsaak die ministerie om meer op die natuurlike herlewing van woude staat te maak. Hailwa het gesê dit word gedoen deur ‘n gegewe gebied genoeg rustyd te gun nadat hout geoes is.

Soortgelyk

 

Mense uit 33 lande onder 157 rampslagoffers

4 ure gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

6 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

braai en wen groot met . . .

1 dag gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...