Plaaslike toeriste ondersteun NWR

12 January 2018 | Toerisme
Meer plaaslike toeriste het tydens die feesseisoen by oorde van Namibia Wildlife Resorts (NWR) vakansie gehou.

Volgens NWR het hul algehele besetting sedert Desember 2015 met 'n gemiddeld van 10% elke jaar gestyg.

'n Verhoging in besetting is volgens NWR hoofsaaklik by hul Okaukuejo- en Dolomite-oorde in die Etosha Nasionale Park, Sesriem-kampeerterrein, Sossus Dune Lodge en Terracebaai waargeeem waar die besetting meer as 60% tydens die feesseisoen was. Volgens NWR was Torrabaai se kampeerterrein volbespreek.

"Ander oorde soos Gross Barmen, Hardap, Waterberg en Popa-valle het ook baie goed gedoen van voor Kersfees af tot Nuwejaarsdag," sê mnr. Mufaro Nesangano, NWR se bestuurder van korporatiewe kommunikasie en aanlyn media, in 'n mediaverklaring.

"Tydens die vakansieseisoen was NWR aan die stuur van sake by Jakkalsputz, Myl 72 en Myl 108 nadat dit voorheen in ander entiteite se hande was. Ons is verheug oor die ondersteuning van die plaaslike mark, asook dat hulle ons ‘geboortepyne’ verstaan,” het NWR se besturende direkteur, me. Zelna Hengari, gesê.

"Hierdie feesseisoen het ons die geleentheid gebied om vas te stel hoe ons geriewe vir die komende openbare vakansiedae kan verbeter."

NWR meen met die ekonomiese krisis wat Namibië tans beleef, "is ons dankbaar vir die aantal plaaslike toeriste wat nie toegelaat het dat die finansiële uitdagings hulle verhoed om van ons bekende oorde tydens die afgelope feesseisoen te besoek nie, veral as in ag geneem word dat plaaslike toeriste in Desember nie net die geleentheid het om NWR-geriewe te ontdek nie, maar die hele Namibië".

Soortgelyk

 

Oudminister Rosalia Nghidinwa sterf

5 ure gelede | Mense

Die voormalige minister van geslagsgelykheid en kinderwelsyn, me. Rosalia Nghidinwa, is Sondagaand omstreeks 23:00 in 'n Windhoekse hopsitaal dood, berig Nampa.Sy is van 'n hospitaal...

Dors dwing Reho om water te 'plant'

15 ure gelede | Regering

Dis elke tweede, derde dag so, talle kere per week. - Hildred van Wyk, inwoner

Weer, Maandag 15 Januarie 2018

15 ure gelede | Weer

BINNELAND: Sonnig en baie warm in die Suide. Elders sal dit gedeeltelik bewolk en baie tot bloedig warm wees. Enkele donderbuie word in die Noorde...

Dwelmnes op Omaruru oopgekrap

15 ure gelede | Misdaad

Die polisie het Vrydag ‘n 24-jarige man in Obasenstraat op Omaruru in hegtenis geneem nadat hy met ‘n spul dwelms betrap is. In sy besit...

Windhoek móét steeds water bespaar

15 ure gelede | Plaaslik

Jana-Mari Smith - Windhoek se waterowerhede is tevrede met die lae watergebruik tydens die vakansieseisoen, maar vra dat inwoners steeds by die besparingsteiken van...

Mynbou se leeu brul by Karibib

15 ure gelede | Plaaslik

Des Erasmus - Die Erongostreek het nog ‘n groot myn bygekry. Amptelike bevestiging van Desert Lion Incorporated, ook bekend as Desert Lion Energy, se...

Oktober-Desember se reëns vergelyk swak

15 ure gelede | Weer

Elvira Hattingh – Dit blyk uit plaaslike reënsyfers dat die groter dele van die land tot dusver swakker as gewoonlik reënval tussen Oktober en Desember...

Laaste kans om in te skryf

15 ure gelede | Onderwys

Meer as 100 inskrywings is reeds ontvang in Shoprite Checkers se fotokompetisie vir graad 1-leerlinge wat vanjaar met hul skoolloopbane begin het.Inskrywings sluit vanaand om...

Land-A-Dollar samel duisende in

15 ure gelede | Ministeries

Die Land-A-Dollar-veldtog, wat in 2015 deur die Universiteit van Namibië (Unam) se studenteraad van stapel gestuur is, het N$234 619 ingesamel.Die veldtog was daarop gemik...