Plaaslike skatte nou aanlyn ­beskikbaar

24 September 2021 | Kuns en vermaak
Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf.

Dié platform sal as die aanlyn katalogus van die Namibia Craft Centre (NCC) dien, en het ten doel om die impak te versag wat die pandemie op die plaaslike kuns- en kunsvlytsektor gehad het, aangesien produkte wat normaalweg slegs in die winkels beskikbaar was, nou bloot met die klik van 'n knoppie in jou inkoopmandjie kan beland.

Die afleweringsproses word vergemaklik deur die NCC se vennootskap met die koerierdiens DHL.

Die idee van hierdie nuwe aanlyn winkel kon verwesenlik danksy die voortgesette vennootskap tussen die Namibiese ministerie van nywerheidsontwikkeling en handel, die ministerie van finansies en GIZ Namibia se ProBATS-program – onder die Duits-Namibiese samewerking.

Die ministeries en ProBATS het die beste strategieë ondersoek om die ekonomiese ontwrigting en afname wat die Covid-19-pandemie meegebring het, teë te werk.

Die Namibiese ekonomie en veral klein- en mediumgrootte ondernemings (SME's) soos dié van ambagsmanne en kleinskaalse vervaardigers van kuns en kunsvlyt, kry swaar in die nasleep van die pandemie. Die gebrek aan toeriste wat die land besoek het, beteken diegene wat aandenkings en handgemaakte produkte verkoop, het die meerderheid van hul kliënte verloor.

Deur hierdie produkte nou op die nuwe Namibia Craft Shop-webwerf beskikbaar te stel, beteken vakmanne van oraloor Namibië word nie net in die fisiese winkels van die NCC verteenwoordig nie, maar ook aanlyn.

Die NCC-kunstenaars en ambagsmanne het besluit om met kliënte oraloor die wêreld in gesprek te tree deur die aanlyn katalogus te skep wat “goed ontwerp is, maklik is om te navigeer en 'n veilige aanlyn koopervaring bied”.

Die beskikbare produkte sluit onder meer aandenkings, juweliersware, leerprodukte, kuns en versamelstukke, klere en ander handgemaakte uniekhede in. Betalings werk dieselfde as by enige ander aanlyn winkel.

Geweefde mandjies, Makalani-pitte, San-juweliersware uit volstruiseiers en kleurvolle, geborduurde linne – 'n versameling van items wat die omvang van Namibiërs se kreatiewe vermoë uitbeeld – is wat jy te wagte kan wees.

Die Namibia Craft Shop is op die been gebring as 'n inisiatief tussen die Namibiese Kunsteraad (NACN) en die NCC met die doel om die lewensgehalte van Namibiese ambagsmanne en kunsvlyt-ondernemers te verbeter.

“Dié monumentale stap vorentoe wat ons as sentrum gemaak het met die oprigting en bekendstelling van die Namibia Craft Shop, kan nie onderskat word nie. Namibiese kuns en kunsvlyt sal nou wêreldwyd 'n mark vind. Ons pragtige produkte wat deur baie talentvolle kleinskaalse ondernemings gemaak word, verdien 'n groter mark en daar is geen groter mark as die internet nie,” het Shareen Thude, besturende direkteur van die NCC, gesê.

“Die betrokke ministeries en ProBATS se kundigheid op dié gebied help SME's om hul lewensvatbaarheid te behou, nuwe perspektiewe te skep en kunsvlyt-ondernemers in staat te stel om tydens die pandemie aan te pas en nuwe ontwrigtings en uitdagings te navigeer.”

Dit gee alle Namibiërs die geleentheid om voort te gaan om vir hul gesinne en gemeenskappe te sorg en die internet as 'n verkoopsinstrument te gebruik om hulle op 'n heel nuwe manier te bemagtig.

Plaaslike kunstenaars en kunsvlyt-entrepreneurs word uitgenooi om by dié platform aan te sluit. Vir meer inligting, stuur 'n e-pos na [email protected]

Besoek die nuwe aanlyn winkel hier: https://q.my.na/24AJ

Soortgelyk

 

Vier sterftes, 25 nuwe gevalle

6 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

10 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

11 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

11 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

12 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

23 ure gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

23 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

23 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

23 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...