Plaaslike IEB internasionaal erken

Gemeet aan standaarde van Ecctis Ltd., Brittanje

07 October 2021 | Ministeries
Henriette Lamprecht

Onafhanklike Eksamenraad (IEB)-skole in Namibië sal vanaf aanstaande jaar ’n leerplan volg wat ’n internasionale kwalifikasie sal verseker.

Die IEB het die Internasionale Sekondêre Sertifikaat (ISC) ontwikkel wat die Nasionale Senior Sertifikaat (NSC) vervang wat tans deur ’n aantal skole in Namibië aangebied word.

Volgens die uitvoerende hoof van IEB, me. Anne Oberholzer, is die kwalifikasie gemeet aan standaarde by universiteite in Suid-Afrika wat beteken suksesvolle studente in ISC is geskik vir toelating tot beide openbare en private tersiêre instellings, insluitend universiteite.

Die ISC-kwalifikasie is ook gemeet aan standaarde van Ecctis Ltd. in Brittanje en die 20 kredietvakke is volgens Oberholzer gelykstaande aan die gevorderde vlak (AS)-kwalifikasie. Die 30- en 36-kredietvakke is gelykstaande aan die A-vlak.

“Ecctis Ltd. evalueer buitelandse kwalifikasies namens die Britse regering. IEB-skole in Namibië sal vanaf aanstaande jaar dié leerplan volg wat bogenoemde internasionale kwalifikasie verseker,” het sy verduidelik.

Volgens Oberholzer begin die ISC-leerplan in graad 10. Die eerste eksamens sal egter deur graad 12-leerlinge aanstaande jaar geskryf word.

“Dié leerlinge het die NSC-leerplan in grade 10 en 11 gevolg en dit sal daarom nodig wees om van die NSC-leerplan na die ISC-leerplan oor te gaan.”

Volgens haar sal wysigings vanaf aanstaande jaar leerlinge in graad 10 en tot ’n mindere mate leerlinge in graad 11 raak.

Sy het beklemtoon graad 12-leerlinge in 2022 sal “baie voldoende voorbereid wees” vir die ISC-eksamens aanstaande jaar.

“Veranderinge sal gering wees en skole is reeds deur ons evalueringspesialiste ingelig oor voorbereidings vir eksamens.

Die IEB sal die nodige ondersteuning aan skole verskaf. Dit is bykomend tot konferensies vir onderwysers om te verseker hul voorbereiding vir graad 10- en 11-leerlinge is meer as voldoende om hul vir hul graad 12 voor te berei.”

IEB sal voorts ook voorbeelde van eksamenvraestelle verskaf sodat leerlinge bekend is met die uitleg van die vraestel, die nuwe kentekens en kan sien die tipe vrae is baie soortgelyk aan dit waaraan hulle voorheen in die NSC blootgestel is, het Oberholzer gesê.

Volgens haar het die IEB “plaaslik en internasionaal” ’n baie goeie reputasie.

“Die IEB het ’n rekord van sowat 250 universiteite oraloor die wêreld wat studente van IEB-skole het wat suksesvol was in die NSC wat deur IEB aangebied word.”

Daarmee saam aanvaar verskeie universiteite IEB-studente omdat hulle suksesvol die gevorderde program-vakke voltooi het.

“Dié uitbreidingsprogramme is ontwikkel vir Engels en Afrikaans sowel as vir wiskunde en fisika. In die ISC is die gevorderde programme opgeneem in die kwalifikasie as keusevakke. Dié vakke staan bekend as verdere studievakke, ofte wel 30- en 36-kredietvakke.”

Die nuwe kwalifikasie word aanstaande jaar buiten in Namibië ook in Eswatini (Swaziland) en Mosambiek bekend gestel.

Volgens Oberholzer is die doel om dit na onafhanklike skole in ander lande oraloor die vasteland en selfs oorsee uit te brei.

Oberholzer het beklemtoon dit is “beslis” nie ’n afgradering van die huidige NSC-leerplan nie.

“Inteendeel, met die insluiting van die verdere studievakke is dit ’n kwalifikasie wat op sy eie meriete internasionaal as ’n kwaliteitkwalifikasie staan.”

Om te versekering dat kwaliteit in kwalifikasies gehandhaaf word, het die IEB volgens Oberholzer ’n verhouding met die Universiteit Stellenbosch se eenheid vir internasionale geloofwaardigheid om die eksterne kwaliteitversekeringsproses van die IEB se stelsels en prosesse uit te voer.

“Die IEB het ’n lang geskiedenis van die uitvoer van kwaliteiteksamens, nie net in die werklike eksamineringsproses nie, maar ook in die integriteit van sy werksaamhede. Vrae is gerig op die begrip en toets van ’n student se vaardigheid om kennis en konsepte toe te pas, eerder as om net te onthou en te verduidelik.”

Volgens Obholzer gebruik die IEB baanbrekende veiligheidsmaatreëls in die beveiliging van eksamenmateriaal en die gebruik van tegnologie tot die voordeel van die integriteit in die uitvoer van eksaminerings. - [email protected]

Soortgelyk

 

Namibiër met Omicron: Kontakopsporing begin

9 ure gelede | Gesondheid

Ronelle Rademeyer - Die ministerie van gesondheid en maatskaplike dienste het reeds begin om die mense op te spoor met wie die Namibiese diplomaat wat...

Beleggingswet op ys … vir nou

9 ure gelede | Regering

Brigitte WeidlichDie minister van nywerheidsontwikkeling en handel, me. Lucia Iipumbu, het gistermiddag die konsepwet op die bevordering en fasilitering van beleggings in die parlement teruggetrek...

Somer, swem en lafenis

9 ure gelede | In beeld

Die munisipale swembad in Katutura en die een in Olympia is vanaf verlede Saterdag vir die publiek oop. Ingangsfooie by die swembaddens is N$10,50 vir...

Verdediging trap vas oor ‘geheime’

9 ure gelede | Ministeries

Augetto GraigDie ministerie van verdediging en veteranesake se boeke klop nie en die parlementêre staande komitee oor openbare rekeninge moes gister worstel om antwoorde uit...

Weer vir 1 Desember 2021

9 ure gelede | Weer

BINNELAND: Sonnig en warm in die suidweste, maar elders gedeeltelik bewolk en warm tot baie warm met enkele tot verspreide donderbuie in Otjozondjupa en Omaheke....

Geen keer aan brande

9 ure gelede | Ongelukke

Tanja BauseDie brand wat ’n week gelede by die Osona- militêre basis naby Okahandja begin het, het gister laat namiddag nog steeds in die berge...

Vroeë vakansie ná uitgelekte vraestelle

9 ure gelede | Ministeries

Die ministerie van onderwys, kuns en kultuur sê skole gaan vroeër sluit as wat aanvanklik aangekondig is, om streke in staat te stel om voor...

Namibiërs kan derde dosis Sinopharm kry

9 ure gelede | Gesondheid

Henriette LamprechtNamibiërs wat volledig met Sinopharm teen Covid-19 ingeënt is, kan nou vir ’n derde bykomende primêre dosis gaan. Die tydsverloop tussen die tweede en...

Pohamba gekritiseer oor uitsettings vanaf sy plaas

9 ure gelede | Politiek

Augetto Graig en Enzo Amuele Nege en sewentig jaar ná haar geboorte op die plaas Guinaspoh, moet me. Amanda Kairises, haar man Alfred en hul...