Pio Teek eis N$26 miljoen

Nuwe saak ­ingedien

13 June 2019 | Howe
Ronelle Rademeyer



Oudregter Pio Teek (72) is terug in die hof.

Dié keer met 'n siviele eissaak van N$26 miljoen teen agt partye wat sowat 14 jaar gelede betrokke was by die ondersoek teen hom en sy latere vervolging op klagte van onder meer die ontvoering en verkragting van twee minderjarige meisies.

Hy was in Desember verlede jaar eindelik 'n vry man toe die hooggeregshof in 'n bevinding van meer as 50 bladsye 'n appèl van die staat teen sy vryspreking van die hand gewys het.

Teek het toe aan Republikein gesê hoewel “geregtigheid in die hemel én op aarde geseëvier het”, beplan hy nie om 'n siviele eis teen die staat te laat vaar nie.

'n Vorige siviele eis om skadevergoeding teen die minister van justisie en die ombudsman vir sy vervolging meer as 'n dekade gelede is verlede jaar deur regter Herman Oosthuizen van die hand gewys.

Die nuwe eis is ingedien teen die minister van veiligheid en sekuriteit, twee polisiebeamptes wat destyds by die ondersoek betrokke was, konst. Wilhelm Angula en ao. Johanna Haraes, die minister van justisie, die aanklaer-generaal adv. Martha Imalwa, asook die destydse adjunk-aanklaer-generaal adv. Danie Small en me. Innocentia Nyoni, wat vir die staat opgetree het, en die registrateur van die hoërhof.

Hy beskuldig die verweerders van ongerymdhede en onwettighede tydens sy vervolging, onbevoegde en kwaadwillige optrede en die growwe skending van sy reg op 'n regverdige en spoedige verhoor.

Die hooggeregshof het verlede jaar bevind die grondwetlike reg op 'n regverdige verhoor se doel is om te verseker onskuldige mense word nie verkeerdelik skuldig bevind nie.

Die manier waarop die polisie in 2005 die ondersoek hanteer het, is ook gekritiseer.

Die staat het destyds aangevoer Teek het die twee betrokke kinders naby die enkelkwartiere in Katutura opgelaai, na sy huis buite Windhoek geneem, hulle drank gevoer, pornografie gewys en verkrag.

Dié beweringe het Teek, wat op die kruin van sy loopbaan as waarnemende appèlregter was, tot 'n professionele val gebring.

Die hooggeregshof het in sy uitspraak gesê nóg die Grondwet nóg die polisiewet magtig die polisie om 'n misdaad teen enig­iemand op so 'n wyse te ondersoek dat hulle hoop dit sal tot 'n skuldigbevinding lei.

Teek voer in die eissaak aan van die polisiebeamptes wat by die ondersoek betrokke was, het erken hulle het onder eed gelieg en sleutelgetuienis verberg.

Hy sê dit het meegebring dat hy nie 'n regverdige, redelike, bevoegde en spoedige verhoor gehad het nie, dat hy ekonomiese skade gely het en sy geluk ingeperk is, en dat hy emosionele trauma en vernedering moes verduur.

Verder wys hy in die stukke daarop sy fundamentele regte en vryhede is geskend.

Soortgelyk

 

Chasing your dream

9 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

9 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

9 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

9 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

9 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

9 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

9 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

9 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

9 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...