Pikkewyne is tuis

05 September 2018 | Plaaslik
Tanja Bause - Die vier Afrika-pikkewyne wat laas week ’n saamrygeleentheid van Swakopmund na Lüderitz gesoek het, is die naweek met die !Anichab-navorsingsboot terug huis toe.

Die boot, wat aan die ministerie vir visserye en mariene hulpbronne (MFMR) behoort, was sedert die begin van Mei in Walvisbaai vir instandhouding. Curious George, Private, Wilde Thing en James Penguin 007 was met die vertrek aan boord.

Die vier is aan die begin van Augustus met olie besmet tussen Walvisbaai en Sandwich-hawe opgetel. Mnr. Mark Boorman en sy vrou, dr. Sandra Dantu, van die Penguin-rehabilitasiesentrum het hulle gewas en gerehabiliteer.

Mnr. Rian Jones van die MFMR het die pikkewyne in Lüderitz ontvang ná hul 24 uur lange bootreis.

“Hulle is in uitstekende kondisie en sal Saterdag op die laatste vrygelaat word. Ons wil net seker maak hul natuurlike olie wat saam met die besmette olie tydens die skoonmaakproses uitgewas is, het herstel en dat hulle waterdig is,” het Jones gesê.

“Ek laat hulle nou gereeld swem, wat selfversorging inspireer, en weer die afskeiding van die natuurlike olie en dus die waterdigtheid versnel.”

Die pikkewyne is terug Lüderitz toe geneem omdat daar langs die kus groot Afrika-pikkewyne kolonies is.

Die pikkewyne van Swakopmund is nou saam met twee ander wat verhonger in en rondom Lüderitz gevind is.

“Die twee was nog in die sogenaamde ‘Blue’-fase, wat beteken hulle was jong voëls wat vir die eerste keer see toe is. Swak kondisie en 'n sterk see is die mees waarskynlike oorsaak van hulle verhongerde toestand,” het Jones gesê.

Soortgelyk

 

Duisende registreer vir e-taks

33 minute gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

33 minute gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

33 minute gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

33 minute gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

33 minute gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Unam werp lig op kragonderbreking

33 minute gelede | Onderwys

Denver Kisting – Die Universiteit van Namibië (Unam) het gister by monde van sy woordvoerder, mnr. Johannes Haufiku, ontken die instelling se kragtoevoer is weens...

Miljarde nodig vir watersekuriteit

33 minute gelede | Ministeries

Elvira HattinghDie plaaslike watersektor moet in die volgende vyf jaar 'n begrotingsgaping van sowat N$11,7 miljard oorbrug om enkele mikpunte vir waterverskaffing en sanitasiediente te...

Kersfees en kuns in Julie

33 minute gelede | Kuns en vermaak

As jy lus is vir feestelikheid in Julie, maak gerus ’n draai by die Omba-galery in Talstraat waar die ’Ikhoba Textiles Farm Project sy 17de...

Mrs J maak ’n Windhoekse draai

33 minute gelede | Kuns en vermaak

Binnekort besoek die bekende Theresa Sedras, beter bekend as Mrs J van Suidooster, die land van die dapperes. Gospel Care Ministry bied in Augustus ’n...