Pikkewyne gooi duim

31 August 2018 | Omgewing
Tanja Bause - Vier Afrika-pikkewyne soek ’n saamrygeleentheid na Lüderitz.

Die pikkewyne is met olie besmet aan die begin van Augustus tussen Walvisbaai en Sandwich-hawe opgetel. Volgens me. Maike Lohmann, wat hulp met die vervoer van die voëls vra, is hulle gewas en nou reg om terug huis toe by Lüderitz te gaan.

“Hulle was 'n bietjie ondergewig, maar is nou lekker vet te danke aan die talle instansies en privaat persone wat vir hulle vis geskenk het,” het sy gesê.

Mnr. Mark Boorman en sy vrou, dr. Sandra Dantu, is die afgelope 20 jaar deur middel van die Penguin-rehabilitasiesentrum met die redding en rehabilitasie van pikkewyne betrokke.

“Wanneer ons die olie van die pikkewyne afwas, word die natuurlike olie ongelukkig ook afgewas en moet ons wag totdat dit natuurlik vervang is voordat ons hulle kan vrylaat. Maar hulle is nou gereed,” het hy gesê.

In Junie is Daisy die pikkewyn wat ook met olie besmet in Swakopmund opgetel is, per vliegtuig na Lüderitz vervoer en vrygelaat.

“Daar is genoeg vis vir hulle en groot Afrika-pikkewynkolonies aan die kus by Lüderitz. Dus moet hulle terug soontoe. Die pikkewyne is nog nie ’n jaar oud nie en dit gebeur dikwels dat die jong pikkewyne van die kolonie wegswem en kuslangs hoër op swem. Hulle sal dan na die kolonie terugkeer wanneer hulle volwasse is,” het Boorman gesê.

Curious George, Private, Wilde Thing en James Penguin 007 is besmet met olie wat vermoedelik onwettig van ’n skip gestort is.

Volgens Lohmann sal dit ideaal wees as hulle per vliegtuig terug Lüderitz toe kan gaan, maar 'n boot of voertuig is ook geskik.

“As iemand hulle met ’n voertuig wil saamneem, moet hulle net onthou dat die pikkewyne koel gehou moet word tydens die vervoer. Hulle hoef ook nie almal tegelyk te vervoer nie. As iemand net plek vir een het, is dit ook goed,” het Lohmann gesê.

Mense wat wil help, kan vir Lohmann by 081 122 8879 of Boorman by 081 858 5759 kontak.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...