Pes kan ’n miljard se druiwe-uitvoere kelder

Ministerie vra samewerking

20 January 2020 | Omgewing
Elvira Hattingh - Die Oosterse vrugtevlieg (Bactrocera dorsalis), wat onlangs mango’s in die Zambezistreek besmet het, kan Namibië se vrugte- en groente-uitvoermarkte bedreig.

Namibië se status is dat hy tans vry van dié pes is, en die land kon die afgelope jaar dus weer tafeldruiwe ter waarde van N$1,1 miljard uitvoer.

Die ministerie van landbou, water en bosbou het die afgelope week ’n beroep op Namibiërs gedoen om met wetstoepassers saam te werk sodat beheermaatreëls toegepas kan word om te keer dat dit na ander streke versprei.

Die ministerie het vandeesweek in ’n mediaverklaring gesê: “Op grond van inligting wat met buurlande uitgeruil word, asook ander bewyse is daar ’n teenwoordigheid van die Oosterse vrugtevlieg in die Zambezistreek.”

Die ministeriële woordvoerder, mnr. Jona Musheko, sê dit het waarskynlik van Zambië af hierheen versprei deur die beweging van mense, insekte en diere tussen die lande.

“Dié vrugtevlieg is van ekonomiese belang omdat dit vrugte besmet en tot ernstige oesverliese kan lei. Dit word as ’n kwarantynpes geklassifiseer.

“Jaarliks word vraghouers vol produksie uit Afrika verwoes voor dit hul bestemmings bereik, omdat dit met die pes besmet is.

“As ’n besending na ’n internasionale mark soos Europa ’n enkele besmette vrug bevat, sal die hele besending verwerp word,” het hy gesê.

“Dit veroorsaak groot ekonomiese verliese vir uitvoerders en het reeds veroorsaak dat vrugte van talle Afrikalande nie op internasionale markte verkoop kan word nie,” het Musheko gesê.

Volgens die Namibiese Akkerbouraad (NAB) voer Namibië hoofsaaklik tafeldruiwe en dadels na internasionale markte uit.

Mnr. Gilbert Mulonda van die NAB het gister aan Republikein gesê Namibië het tydens die 2018-’19-seisoen sowat 29 762 ton druiwe uitgevoer.

“Die werklike waarde van die uitvoere tydens die 2018-’19-seisoen was sowat N$1,1 miljard.

“Dit is op heersende markpryse in die grootste uitvoermarkte gebaseer. Die prys vir uitvoertafeldruiwe per ton is sowat N$37 000, of N$37 per kg,” het Mulonda gesê.

Namibië het die afgelope vyf jaar tussen 23 775 en 31 554 ton druiwe jaarliks uitgevoer.

[email protected]

Soortgelyk

 

Damme voller

7 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

7 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

7 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

7 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

7 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

7 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

7 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

7 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

7 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...