Permutasies voor T20-trofee baas kry

11 October 2019 | Sport
Tielman van Lill - CCD Tigers, Krieket Namibië se verdedigende T20-premierligakampioen, sal eers tot kort voor môremiddag se begintyd moet wag om te weet teen wie hy in die semifinaal gaan opstap.

Die twee semifinale vind môrenamiddag by Wanderers en Affiespark in Pionierspark plaas.

Maar vroeër die oggend moet die laaste groepwedstryd tussen WHS Old Boys en MR24/7 Welwitschias eers by die veld van Windhoek Afrikaanse ­Privaatskool afgehandel word om te bepaal wie in die semifinale gaan speel (nr. 1 teen 4 en 2 teen 3).

Samsung FNB Wanderers, wat al vier sy groepwedstryde gemaklik gewen het, is tans met 16 ­ligapunte in die eerste posisie op die punteleer. Tweede is CCD Tigers (4 wedstryde, 2 gewen, 8 punte).

Tigers het 'n beter netto lopie­tempo van 1.69 teenoor Old Boys (drie gespeel, twee gewen, 8 punte) wat hom met 1.52 in die derde plek bevind.

Trustco United kon net een van sy vier botsings wen (4 punte, netto lopietempo -3.64) vir sy vierde posisie, gevolg deur die Welwitschias van die kus wat segeloos met nul laaste op die punteleer is.

Met ses van Old Boys se topspelers op nasionale diens in Dubai, kry die kusspan 'n ideale geleentheid om dalk ten minste een botsing in sy guns te swaai.

Die Welwitschias het net vir Ben Shikongo afgestaan, terwyl Old Boys sonder Gerhard Erasmus, Tangeni Lungameni, Zane Green, Christi Viljoen, Craig Williams en Zhivago Groenewald die bul by die horings pak.

Dit is gewis nie die ideaal om die T20-premierliga só af te sluit nie, maar vir die tweedespanspelers van Old Boys en die Wit Hingste is dit 'n kans om hul spel tot die vlak van die uitdaging te lig. Wanderers sal in sy semifinaal sonder Jan Frylinck, JJ Smit, Bernard Scholtz, Niko Davin, Karl Birkenstock en JP Kotzé moet klaarkom.

CCD Tigers kan dalk opnuut die titel opraap sonder dat Picky Ya France en Stephen Baard (by Eagles in Dubai) hul gebruiklike bydrae lewer, terwyl United op volsterkte gereed vir die naweek se T20-aksie sal wees.

Met twee van Tigers se lopiemasjiene afwesig, sal die druk groot op Joshuan Julius en Nicol Loftie-Eaton wees om weer 'n topkolfbeurt te lewer.

Vir Wanderers sal Wessel Myburgh gereed wees om in die afwesigheid van sy span se ysters weer 'n sleutelrol te speel. Hy was in die 2018-'19-seisoen Wanderes se voorste kolwer.

Die eindstryd word Sondagoggend vanaf negeuur by Wanderers gespeel en beloof om weereens toeskouers en spelers met hope aksie te bederf.

- [email protected]

Soortgelyk

 

Weduwee en haar eks lank tronk toe vir moord...

13 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

1 dag gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

1 dag gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

1 dag gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

1 dag gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

1 dag gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

1 dag gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

1 dag gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

1 dag gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...