Pepkor: Druk op verbruikers bly kwaai

09 August 2019 | Sakenuus
Hanlie Stadler



Verbruikers bly te midde van hoë werkloosheid en ­stygende lewenskoste onder enorme druk, sê die kleinhandelreus Pepkor.

Die groep sê sy strategie om aan verbruikers “waarde teen billike pryse” te bied, pantser hom in 'n mate teen die uiters moeilike handelsomstandighede, maar hy verwag groot wisselvalligheid in sy inkomste in die afsienbare toekoms.

Die groep sê hy wen ook markaandeel in talle kategorieë.

Pepkor, die plaaslike filiaal en die kontantkoei van die beleërde Steinhoff-groep, het laatmiddag 'n handelsverklaring vir die nege maande tot einde Junie – die eerste nege maande van sy boekjaar – uitgereik.

Die groep sê sy inkomste in dié nege maande het met 8,5% tot R53,1 miljard gestyg in vergelyking met dieselfde nege maande van sy vorige boekjaar.

Veral in die derde kwartaal van sy boekjaar – die kwartaal tot einde Junie – het verkope sterk, met 11,7%, gegroei. Pepkor skryf dit toe aan Paasfees wat vanjaar in April geval het.

Nuwe takke van Pep en Acker­mans wat die afgelope jaar geopen het, het dié twee winkels se verkope met 6,7% laat opskiet. Winkels wat ook in ­dieselfde nege maande van die vorige boekjaar oop was (­vergelykbare verkope), het groei van 2,9% aangeteken.

Dit dui op die impak van die nuwe winkels, asook van gemiddelde prysstygings van 4,2%.Weens die sterker rand lyk Pep Africa, die winkels buite Suid-Afrika, se verkope 0,7% swakker in randwaarde.

In die geldeenhede waarin verkope verdien is, het verkope met 14,9% gestyg, en vergelykbare verkope met 11,4%. Die meeste lande het goed gevaar, maar dis afgerem deur Zimbabwe. 

– Netwerk24

Soortgelyk

 

Antjie Krog plaas gewraakte toespraak in konteks

9 ure gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

23 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

23 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

23 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

23 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

23 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

23 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

23 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

23 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...