Pensioenaris tydens inbraak vermoor

18 October 2021 | Misdaad
Die polisie het die publiek se hulp versoek om die gesoekte verdagtes vas te trek in verband met 'n moord en 'n saak van 'n huisbraak met die doel om te roof.

Die polisie se bevelvoerder van gemeen­skapsake in die Erongo­streek, insp. Ileni Shapumba, het bevestig dat mnr. Lupfer Axel, 'n 80-jarige Namibiese man, Vrydag dood in sy huis in First Avenue in Vineta, Swakopmund, aangetref is.

“Twee vriende van die oorledene het ná ver­skeie pogings om hom te kontak na sy huis gegaan en het die lyk omstreeks 18:00 in die slaapkamer ontdek.”

Volgens Shapumba is die liggaam van die oorledene op die vloer langs sy bed gevind.

“Sy hande en voete was met skoenveters vasgebind en 'n kledingstuk is in sy mond gestop. Die oorledene het alleen gebly. Sy naasbestaandes is in Duitsland en is ingelig oor wat gebeur het. Tydens die voorlopige ondersoek het die polisie twee stelle voetspore in die erf opgemerk. 'n Venster is ook gebreek; die verdagtes het vermoedelik daardeur toegang tot die huis verkry,” het hy gesê.

'n Rooi Chevrolet Spark met die registrasiemerk N 3785 S, 'n klein muurkluis, 'n Samsung-platskerm-TV en Samsung-kamera is gesteel.

Die voertuig is Saterdag verlate in die informele nedersetting DRC gevind.

“Die verdagtes is in dié stadium onbekend. Die oorledene se lyk is na die staatshospitaal op Swakopmund geneem,” het Shapumba gesê.

Hy het 'n beroep gedoen op almal wat moontlik ooggetuies van die voorval was of inligting het oor die verdagtes en waar hulle hul tans bevind, om dringend kontak te maak met adj.komm. Iikuyu by 081 2464757, hoofinspekteur Mwatongwe by 081 246 1121, inspekteur Tjihavero by 081 413 7105, of die naaste polisiekantoor.

[email protected]

Soortgelyk

 

130 nuwe gevalle, meeste in Windhoek

8 ure gelede | Gesondheid

Gister is 130 nuwe gevalle aangemeld, 'n positiewe koers van 8,4%. Die meeste (97) is in Windhoek aangeteken. Die nuwe gevalle sluit 13 studente, 11...

Uitstel van eksamens: Integriteit van eksamen, kwalifikasie moet beskerm...

1 dag gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

1 dag gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...