Pendelaars ure lank in verkeer vasgekeer
'n Man is gister in 'n botsing dood, wat die verkeer suid van Windhoek ontwrig het.
Tanja Bause - Verkeer op die hoofpad tussen Rehoboth en Windhoek is gisteroggend erg ontwrig toe ’n vragmotor en ’n bakkie in ’n kop-teen-kop-botsing betrokke was.
Volgens die Namibiese polisie se misdaadverslag het die bakkie glo in die verkeerde baan beland en teen die vragmotor gebots.
Die vragmotor het omgeslaan en die pad versper. Die bestuurder van die bakkie, mnr. Liam Denzil, het op die toneel gesterf.
’n Passasier in die vragmotor is lig beseer en in die hospitaal opgeneem. Pendelaars was vir ure in die verkeer vasgevang.
Teen 13:00 was die vragmotor steeds nie van die toneel verwyder nie.
Rivier, beeste by ongelukke betrokke
’n Motor het gisteroggend in ’n rivier in Matshitshistraat in Katutura ingery. Die bestuurder kon uit die voertuig gered word, maar die voertuig het weggespoel. Dit kon eers laatmiddag uit die rivier gehaal word omdat dit te sterk gevloei het.
Vrydag om 03:10 is twee mense in die staatshospitaal op Outapi oorlede nadat hulle in ’n voertuigongeluk betrokke was. Die bestuurder van ’n sedan was vanaf Outapi na die Onawa-nedersetting op pad toe hy in twee beeste vasgery het.
Mnr. Lukas Hamunyeal en ’n vroulike passasier is by hul aankoms by die hospitaal dood verklaar.
Volgens die polisie was die voertuig, wat vyf passasiers aan boord gehad het, oorlaai. Die drie passasiers en die bestuurder is in die hospitaal opgeneem.
Dwelms, babastorting, brand
’n Vroulike senior korrektiewe beampte en ’n 33-jarige man is Vrydag in die Ozondjie- informele nedersetting op Omaruru vir die besit van dwelms in hegtenis geneem.
Hulle het glo 1,8 kg dagga te waarde van N$11 750 by hulle gehad. Die polisie het verdere inligting ontvang en beslag op 11 bankies dagga, 15 Mandrax-pille, twee halwe Mandrax-pille en agt kwart Mandrax-pille gelê.
Die dwelms was in die bosse by ’n park versteek.
’n Tweejarige baba is Vrydag in die bosse naby die Biro-nedersetting in die Kavango-Oosstreek gevind.
Die kind is na die Andara-hospitaal geneem en is volgens die polisie gesond. Niemand is in hegtenis geneem nie en die polisieondersoek duur voort.
Mnr. Peter Humphries (44) het Sondag in sy huis in die Mondesa- informele nedersetting op Swakopmund doodgebrand.
Twee sinkhuise en ’n stoorkamer het afgebrand. Niemand anders is in die voorval beseer nie. Die oorsaak van die brand word nog ondersoek.
Volgens die Namibiese polisie se misdaadverslag het die bakkie glo in die verkeerde baan beland en teen die vragmotor gebots.
Die vragmotor het omgeslaan en die pad versper. Die bestuurder van die bakkie, mnr. Liam Denzil, het op die toneel gesterf.
’n Passasier in die vragmotor is lig beseer en in die hospitaal opgeneem. Pendelaars was vir ure in die verkeer vasgevang.
Teen 13:00 was die vragmotor steeds nie van die toneel verwyder nie.
Rivier, beeste by ongelukke betrokke
’n Motor het gisteroggend in ’n rivier in Matshitshistraat in Katutura ingery. Die bestuurder kon uit die voertuig gered word, maar die voertuig het weggespoel. Dit kon eers laatmiddag uit die rivier gehaal word omdat dit te sterk gevloei het.
Vrydag om 03:10 is twee mense in die staatshospitaal op Outapi oorlede nadat hulle in ’n voertuigongeluk betrokke was. Die bestuurder van ’n sedan was vanaf Outapi na die Onawa-nedersetting op pad toe hy in twee beeste vasgery het.
Mnr. Lukas Hamunyeal en ’n vroulike passasier is by hul aankoms by die hospitaal dood verklaar.
Volgens die polisie was die voertuig, wat vyf passasiers aan boord gehad het, oorlaai. Die drie passasiers en die bestuurder is in die hospitaal opgeneem.
Dwelms, babastorting, brand
’n Vroulike senior korrektiewe beampte en ’n 33-jarige man is Vrydag in die Ozondjie- informele nedersetting op Omaruru vir die besit van dwelms in hegtenis geneem.
Hulle het glo 1,8 kg dagga te waarde van N$11 750 by hulle gehad. Die polisie het verdere inligting ontvang en beslag op 11 bankies dagga, 15 Mandrax-pille, twee halwe Mandrax-pille en agt kwart Mandrax-pille gelê.
Die dwelms was in die bosse by ’n park versteek.
’n Tweejarige baba is Vrydag in die bosse naby die Biro-nedersetting in die Kavango-Oosstreek gevind.
Die kind is na die Andara-hospitaal geneem en is volgens die polisie gesond. Niemand is in hegtenis geneem nie en die polisieondersoek duur voort.
Mnr. Peter Humphries (44) het Sondag in sy huis in die Mondesa- informele nedersetting op Swakopmund doodgebrand.
Twee sinkhuise en ’n stoorkamer het afgebrand. Niemand anders is in die voorval beseer nie. Die oorsaak van die brand word nog ondersoek.
Kommentaar
Republikein
Geen kommentaar is op hierdie artikel gelaat nie