PDM vra Hanse-Himarwa se bedanking

Amptelike opposisie ontevrede

12 January 2018 | Politiek
Die Popular Democratic Movement (PDM) is diep ontevrede met 2017 se eksamenuitslae van sowel die Nasionale Senior Sekondêre Sertifikaat (NSSC) as die Junior Sekondêre Sertifikaat (JSC).

In 'n verklaring sê mnr. Nico Smit, PDM-parlementslid, ongeveer 27 000 voormalige graad 10-leerlinge en 13 399 voormalige graad 12-leerlinge het nie geslaag nie, wat beteken meer as 50 000 jong Namibiërs is deur die staat se onderwysstelsel in die steek gelaat.

Hulle staar nou beperkte vooruitsigte vir 'n behoorlike toekoms in die gesig.

“Verlede jaar het die ministerie van finansies N$11,97 miljard aan die ministerie van onderwys, kuns en kultuur toegeken, wat 'n verbetering van minder as 3% in die NSSC-uitslae kon bewerkstellig.

“Dit is 'n verwerplike opbrengs op 'n belegging en 'n mens kan nie help om die doeltreffendheid en gehalte van die openbare onderwysstelsel in sy geheel, en die bevoegdheid van die leierskap op die hoogste vlak van die onderwysstelsel, te bevraagteken nie.

“Die feit dat die ministerie nie sy desperate lae teiken van 45% vir toelating tot tersiêre onderwysinstansies kon behaal nie, is 'n getuigskrif van die feit dat die polities aangestelde leierskap by die onderwysministerie hopeloos onbevoeg is,” sê die PDM.

Die amptelike opposisieparty wil weet watter, indien enige, planne die Swapo-regering vir die 13 399 voormalige graad 12-leerlinge het wat nie verder kan studeer nie. Sonder hulp sal hulle haweloos in die strate van Namibië gelaat word, sê die PDM.

Die party vra ook wat gedoen word om leerlinge wat graad 10 moet herhaal, te akkommodeer omdat die meerderheid leerlinge wat in 2017 aan Namcol studeer het ook nie geslaag het nie.

“Ons verwag geen planne is ontwikkel nie omdat alle oë en denke op 2017 se Swapo-kongres en die politieke oorlewing van die party se leierskap gefokus was.

“Die PDM vind die onderwysminister, me. Katrina Hanse-Himarwa, se opmerkings oor die NSSC-uitslae skokkend en 'n bron van kommer. Om 'n beroep op leerlinge te doen om hard te werk en eksamens deur te kom, dui op 'n skokkende wanbegrip aan haar kant van die faktore wat 'n impak op die welslae of mislukking van onderwys het.”

Vir die PDM kom dit as geen verrassing nie dat Hanse-Himarwa weer probeer het om die blaam na enigiemand behalwe haarself te verskuif vir die nasionale teikens wat nie behaal is nie. “Dit is die tipiese modus operandi van die Swapo-leierskap. Volgens ons is Hanse-Himarwa 'n baken van onbevoegdheid.

“Ons stem egter met haar saam dat dit hoog tyd is 'om te begin wegbeweeg van middelmatigheid, lae prestasie, luiheid en 'n visielose benadering'. Ons doen gevolglik 'n beroep op me. Hanse-Himarwa om die eerbare ding te doen en te bedank.”

Die PDM vind dit vreemd dat ondanks die “skou­spelagtige mislukkings” van die ministerie en die “uiterste chaos wat die openbare onderwyssektor karakteriseer” Hanse-Himarwa voortgaan om die vertroue van pres. Hage Geingob te geniet.

“Die enigste gevolgtrekking is dat Hanse-Himarwa meer vir Geingob as 'n politieke luitenant as minister van onderwys, kuns en kultuur werd is. Die PDM is dus van mening dat Geingob self aanspreeklik gehou moet word omdat hy partypolitiek bo die onderwys van die Namibiese nasie stel.

“Die patetiese prestasie van die onderwysministerie, jaar na jaar, het Namibië op 'n onvolhoubare trajek geplaas. Hoe kan verwag word om die doelwitte van Visie 2030 en die ontwikkeling van 'n kennisgebaseerde samelewing te verwesenlik, wanneer die ministerie van onderwys meer mislukkings as enigiets anders het?”

Die voorspoed van Namibië en sy mense is volgens die PDM in ernstige gevaar as Swapo nie hierdie probleem die hoof bied nie.

Soortgelyk

 

Slenter: Nampol maak nié aanstellings

2 ure gelede | Misdaad

NamPol is nie besig om kadette aan te stel nie. Die Namibiese Polisie het gister ’n persverklaring uitgereik waarin dit homself distansieer van advertensies op...

Vrywilligers maak skoon by staatshospitaal

3 ure gelede | Plaaslik

Mnr. Martin Nepembe van Harambee Counselling Namibia, KK Cleaning Services & Renovation en die Swakopmund Environment & Health Youth Klub gaan met die hulp van...

Unam: Aanlyn registrasie staan stil

4 ure gelede | Onderwys

Die aanvang van aanlyn registrasie van senior studente verbonde aan die Universiteit van Namibië (Unam) is tot Dinsdag 23 Januarie uitgestel. Registrasie van eerstejaarstudente gaan...

Leerlingdokters wag steeds op finale uitslae

14 ure gelede | Plaaslik

Henriette Lamprecht Finalejaar- mediese studente verbonde aan die Universiteit van Namibië (Unam) se mediese skool kan nie as leerlingdokters ­registreer nie, omdat hulle tot op...

Minibus in vlamme gehul

14 ure gelede | Ongelukke

'n Minibus het laat Sondagaand op die B2-roete tussen Swakopmund en Walvisbaai in vlamme uitgebars. Lees die berig op bl. 2. Foto West Coast Safety...

Verkragter van Duitse toeris sit 24 jaar

14 ure gelede | Howe

Rico Daniel Rickert (32) is Vrydag in die streekshof op Keetmanshoop tot 24 jaar gevangenisstraf gevonnis nadat hy einde Oktober 2017 ‘n Duitse toeris by...

Weer vir 16 Januarie

14 ure gelede | Weer

BINNELAND: Gedeeltelik bewolk en baie tot bloedig warm met 'n paar tot geïsoleerde donderbuie. Winderige toestand sal oor die binneland voorkom.KUS: Gedeeltelik bewolk en koel...

Zimbabwe gereed vir uitvoere

14 ure gelede | Plaaslik

Jemina Beukes - Zimbabwe is gereed om sy eie geldeenheid in te stel en uitvoere na die res van Afrika en die wêreld uit te...

Twee ongedeerd ná minibus in vlamme uitbars

14 ure gelede | Ongelukke

'n Minibus het laat Sondagaand sowat 13 km van Swakopmund af op die B2-roete na Walvisbaai in vlamme uitgebars. Volgens West Coast Safety Initiative...