PDM skree moord oor Arandis-tragedie

17 April 2019 | Politiek
Denver Kisting – Die Popular Democratic Movement (PDM) sê Namibiërs sal nooit vrede smaak as hulle aanhoudend deur geweldsmisdade geteister word nie.

Die president van die amptelike opposisie, mnr. McHenry Venaani, sê die PDM neem met toenemende weersin kennis van die oënskynlik eindelose geweldsmisdade – veral moorde en verkragtings waarvan gewone Namibiërs ten prooi val.

Venaani sluit aan by die koor van gewalgde kritici teen Maandagoggend se bloedbad op Arandis waartydens die uitvoerende direkteur van die Namibië Instituut van Mynbou en Tegnologie (Nimt), mnr. Eckhart Mueller (72), omgekom het.

Sy adjunk, mnr. Heimo Hellwig (60), is ook tydens die treurspel koelbloedig doodgeskiet.

Adj.komm. Edwin Kanguatjivi, die hoof van die polisie se skakelafdeling, het gistermiddag gesê verskeie mense is reeds weens die dubbele moord ondervra.

Maar, sê hy, daar is nog geen sprake van ’n deurbraak nie.

Agt leë patroondoppies is Maandagoggend op die toneel gevind. Mueller en Hellwig het weens kop- en maagwonde op die toneel beswyk.

Venaani het gisteroggend gesê dié tipe misdade was tydens die begin van demokratiese Namibië ’n seldsame verskynsel.

Deesdae blyk dit aan die orde van die dag te wees, sê hy. Namibiese gesinne word dikwels tydens dié slagtings van hul broodwinners en geliefdes beroof, het hy uitgevaar.

Venaani het terselfdertyd gesê hulle kom agter talle hoëprofielmisdade is onopgelos.

Onder meer, sê hy, is die geweldenaar(s) wat die negejarige Avihe Cheryl Ujaha in Julie verlede jaar grusaam vermoor en haar lyk opgekap het, steeds nie opgespoor nie.

Eweneens bly dit ’n tergende raaisel wie in Februarie 2016 vir mnr. Marius Mostert op die Kupferbergpad om die lewe gebring het, sê hy.

Die Windhoekse skoolmeisie Magdalena Stoffels se verkragting en moord byna nege jaar gelede hang ook steeds in die lug, sê Venaani.

Die opposisieleier trek ook te velde teen die beweerde weerhouding van saamgestelde en bygewerkte jaarlikse misdaadstatistiek.

Soortgelyk

 

Vermeende gemsbokstroper gewond

2 ure gelede | Misdaad

'n Vermeende gemsbokstroper is Donderdag op 'n plaas in die Omaruru-distrik in die been gewond. Volgens die Namibiese polisie is 'n 49-jarige man omstreeks 17:00...

Kolonel, onderwyser vas oor wild

3 ure gelede | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

3 ure gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

19 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

19 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

19 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

19 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

19 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

19 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...