Pavaza sê nee vir omkoopgeld

12 September 2018 | Sport
Vir die derde keer in sy loopbaan het die Namibiese sokkerskeidsregter Jackson Pavaza 'n voorval by die Konfederasie van Afrika-sokker (CAF) aangemeld waar hy omkoopgeld voor sy verskyning as blaser in 'n kontinentale wedstryd aangebied is.

Pavaza het aan ons susterkoerant Namibian Sun gesê hy is die afgelope Sondag in Kigali, hoofstad van Rwanda, 'n bruin koevert vol geldnote aangebied voor die 2019 Afrika Nasiebeker kwalifiserende wedstryd tussen dié land se nasionale sokkerspan en die Ivoorkus.

Die wedstryd het met 2-1 in die guns van die gedugte Ivoorkus geëindig.

Pavaza sê voor die wedstryd het twee mans hom benader en 'n bruin koevert aangebied om die uitslag te manipuleer. Een van hulle het beweer hy is die sekretaris-generaal van die Rwandese sokkervereniging. Die skeidsregter het eers gesê hy weet nie of dit die waarheid is nie, maar het later bevestig dat dit inderdaad Francois Regis Uwayezu was toe ons susterkoerant vir hom 'n foto vir identifikasie gestuur het.

“Ek het nie die geld probeer tel nie. Ek het net vgesê ek aanvaar geen geskenke van enigiemand nie, soos wat CAF se regulasies voorskryf. Ek het die aanbod van die hand gewys en het die voorval by CAF aangemeld.”

In Juniemaand vanjaar het Pavaza ook alarm gemaak nadat hy voor 'n CAF Konfederadiebeker-wedstryd tussen klubspanne van Marokko en Ghana omkoopgeld aangebied is.

Nog 'n vorige keer was in 2015, in die CAF Kampioeneliga tussen klubspanne van Soedan en Angola.

Volgens Pavaza het hy die aanbiedinge verwerp om sy integriteit en sy loopbaan as skeidsregter te beskerm. Skeidsregters wat tevore vir die ontvangs van omkoopgeld betrap is, is vir jare of selfs lewenslank uit die sport geskors.

Soortgelyk

 

Hepatitis E woed landswyd voort

21 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

21 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

21 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

21 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

21 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

21 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

21 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

21 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

21 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...