Pauw skiet van die heup af

Neem gehoor op reis

04 October 2018 | Mense
Denver Kisting



Dwase raak korrup die oomblik wanneer mag in hul skoot beland.

Hierdie prentjie het Suid-Afrika se werklikheid geword toe oudpres. Jacob Zuma bykans 10 jaar gelede aan bewind gekom het van dié buurland, sê die skrywer en ondersoekende joernalis Jacques Pauw.

“En dit is presies wat gebeur het toe SA in Mei 2009 vir 'n onopgevoede dwaas gestem het. 'n Man wat omkoopgeld by sy finansiële raadgewer gekry het. 'n Man wat onbeskermde seks met die MIV-positiewe dogter van een van sy beste vriende gehad het.”

Dit was nie die volledige omvang van Zuma se uitdagings nie, het Pauw tydens 'n gala­dinee in Windhoek verlede week gesê.

“(Zuma is ook) 'n man wat nie sy eie finan­siële sake kon bestuur nie. 'n Man wat nie syfers kon verstaan nie; wat geen idee gehad het oor die ekonomie of die finansiële wêreld nie.”

Amper 'n dekade sedert Zuma die vierde demokraties verkose president van die buurland geword het, tel SA steeds die skerwe van dié skrikbewind op, sê Pauw.

“Nege jaar later, en ons tel steeds die lyke van sy nalatenskap van staatskaping op en ons blý onsself afvra: Hoe de hel kon dit in 'n grondwetlike demokrasie gebeur het waar ons regspleging koester en waar instellings bestaan om teen die misbruik van mag te waak?”

Pauw wil veral weet wáár honderde ANC-LP's was “toe ons land te koop was. Waar was die kabinet en (toe) adjunkpresident Cyril ­Ramaphosa toe Zuma 'n oudtronkbaas met geen belastingkennis aangestel het as die kommissaris van die Suid-Afrikaanse Inkomste­diens?”

Ramaphosa het sedertdien vir Zuma as die staatshoof van SA vervang.

Zuma staar tans strafregtelike vervolging in die gesig.



ERETOEKENNING

Pauw was verlede week die gasspreker tydens 'n fondsinsamelingsdinee van die Redakteurs­forum van Namibië (EFN).

Hy het tydens dieselfde geleentheid 'n ­eretoekenning vir sy uitmuntende bydrae tot ondersoekende joernalistiek op die vasteland van die veteraanjoernalis en oudredakteur van The Namibian, Gwen Lister, ontvang.

Pauw het reeds twee keer die CNN-Afrika­prys vir ondersoekende joernalistiek verower.

Hy het verlede jaar 'n blitsverkoper, The President's Keepers, geskryf, wat geskoei is op omvattende navorsing oor vermeende ­trawante en medepligtiges, wat glo vir Zuma sy mag help behou én uit die tronk gehou het.

Dié navorsing het hom in daardie stadium onder meer op 'n geheime sending na Oos-Europa geneem.

Dít het gekom nadat hy eintlik die joernalistieke tuig neergelê het en voltyds in die kombuis doenig wou wees.

“Ek was toe al 30 jaar lank 'n joernalis, en teen die einde van 2014 het ek besluit om my loopbaan te staak. Ek het gedink ek het bereik wat ek my voorgeneem het om te bereik. Ek het na die Wes-Kaap getrek, 'n restaurant gekoop en 'n bed-en-ontbyt, en ek het besluit om 'n sjef te word.”

Terwyl hy “vir 'n jaar of twee gelukkig aan die kook was, het iets buitengewoons in ­Desember 2015 gebeur”, vertel hy.

Dit het toe aan die lig gekom Zuma het vir mnr. Des van Rooyen as die Suid-Afrikaanse minister van finansies aangestel.

Van Rooyen was voorheen die bestuurder van 'n mislukte plaaslike owerheid, onthou Pauw.

Hy was vir twee dae en 'n naweek die minister gemoeid met finansies, waartydens die land miljarde verloor het, sê Pauw.

“Toe het die bewyse van staatskaping begin ontvou. (. . .) Terwyl ek besig was om waterblommetjiebredie en melktert te maak, is my land aan die Guptas verkoop.”

Wanneer die joernalistieke gogga gebyt het, súkkel mens om dit af te skud, sê hy.

“Ek het nog altyd gesê 'n voormalige joer­nalis is soos 'n gerehabiliteerde heroïen­verslaafde.

“Daai verlange, daai smagting bly in jou bloed. Toe ek dus daai oproep kry, was dit soos om 'n spuitnaald vol heroïen te ontvang. Ek het dit in my are ingepomp.”

In Rusland het hy 'n Suid-Afrikaanse ­advokaat ontmoet, wat deesdae klasgee in die regte aan 'n Russiese universiteit.

Volgens Pauw is daar al meer as 200 000 eksemplare van dié boek verkoop nadat hy Zuma se beweerde korrupte spoor gevat het.

Hy bevind hom tans midde in verskeie straf- en siviele gedinge oor die boek.

Soortgelyk

 

Pas jou rug op

11 ure gelede | Gebeure

Tanja Bause - Môre word Wêreldruggraatdag met die tema “Wees lief vir jou ruggraat” gevier. Lede van die Namibiese Chiropraktisynsvereniging en van hul pasiënte het...

Kleurryke Pik Botha sterf op 86

11 ure gelede | Mense

Ronelle Rademeyer – Die afgelope naweek is selfs in die internasionale nuus wyd berig oor die afsterwe van die kleurryke en legendariese voormalige minister van...

Onwettige sandmyne se dae getel

11 ure gelede | Misdaad

Kenya Kambowe - Die omgewingskommissaris se kantoor is tans besig met die wysiging van omgewingsregulasies om hulle minder dubbelsinnig te maak en suksesvolle vervolgings te...

Ichingo Chobe River Lodge wen weer

11 ure gelede | In beeld

Ichingo Chobe River Lodge in die Zambezistreek is vir die tweede agtereenvolgende jaar tydens die Wêreldreistoekennings as die beste tentsafarikamp in Namibië aangewys. Die 2018-toekennings...

Namibië deel van vlootsimposium

11 ure gelede | Ministeries

Die senior verdedigingsbeampte en verdedigingsattaché vir die Amerikaanse ambassade in Windhoek, lt.kol. John Lacy, het verlede maand die Namibiese vlootbevelvoerder, skout-admiraal Sinsy Nghipandua, na die...

Weer vir 12 Oktober 2018

11 ure gelede | Weer

BINNELAND: Sonnig en bloedig warm in die verre noordelike streke. Elders sal dit gedeeltelik bewolk en baie tot bloe­dig warm wees met enkele buie in...

Drie sterf in ongelukke

11 ure gelede | Ongelukke

Drie mense het hul lewens die naweek in motorongelukke en ’n treinongeluk verloor. In ’n kop-teen-kop-botsing op die pad tussen Walvisbaai en Swakopmund is ’n...

Sossusvlei Desert Lodge beste safari-lodge

11 ure gelede | In beeld

&Beyond Sossusvlei Desert Lodge is as die beste safari-lodge in Namibië tydens die Wêreldreistoekennings aangewys. In 2016 het dié luukse safari-lodge ook met hierdie toekenning...

Kamushinda van vuilspel beskuldig

11 ure gelede | Howe

Catherine Sasman - Namibië se hooggeregshof het verlede Dinsdag uitspraak voorbehou in die saak waarin Zimbabwe se Metropolitan Bank en World Eagle Investment (Pty) Ltd...