Patologie-werkers maak stem dik
'n Petisie is aan die ministerie van gesondheid oorhandig waarin ontevredenheid oor omstandighede by die Namibiese Instituut vir Patologie uitgestippel is.
Tanja Bause - Werknemers van die Namibiese Instituut vir Patologie (Nip) het gister hul misnoeë met die direkteure van die instituut se raad uitgespreek.
Dít deur ’n petisie aan die minister van gesondheid en maatskaplike dienste in Windhoek te oorhandig.
“Die Nip is bekend daarvoor dat hulle werkers vir onredelike tydperke en met volle salaris skors, terwyl hulle skaars hul kernaktiwiteite kan volhou.
“Die instituut beskik nie oor voldoende hulpbronne nie. Dit lei tot ‘n gebrek aan basiese, kritieke noodsaaklikhede en veroorsaak die risiko van geen of swak dienslewering,” lui die petisie.
Die Nip staar tans verskeie uitdagings in die gesig.
Daar is glo dikwels geen reaktanse in laboratoriums nie, toetse word gestaak, sommige toetse word na Suid-Afrika gestuur, derde partye soos onder meer die staat se pensioenfonds (GIPF), mediese fondse en belasting word dikwels nie betyds betaal nie, verskaffers word nie betaal nie, te veel geld word weens onafgehandelde dissiplinêre verhore aan prokureurs bestee, asook aan toelae.
Die maatskappysekretaris behartig onderhoude vir die pos van uitvoerende hoof en het glo versuim om die direkteursraad oor arbeidsverhoudinge en ’n spesifieke ooreenkoms van raad te bedien.
Die Nip en Napwu het op 9 November 2017 ’n ooreenkoms onderteken waarvolgens aanpassings vir die daarvolgende twee jaar gemaak sou moes word – onderskeidelik op 1 April 2018 en 1 April 2019.
“Volgens die ooreenkoms moes werkers se salarisse op 1 April met 10% aangepas word. Vervoertoelae sou met N$200 vir 2019-’20-typerk toeneem en behuising sou met 35% vir die 2019-’20-boekjaar aangepas word.”
Tydens die mees onlangse vergadering op 12 Julie 2019 is die unie deur die raad ingelig geen verhogings word vir vanjaar toegestaan nie.
Volgens die ontevrede werkers is dit ’n verbreking van die 2017-ooreenkoms.
“Die Nip betaal geskorste bestuurders se salarisse, asook die van waarnemende bestuurders en prokureurs.
“Raadslede word steeds betaal om op die raad te dien en tog word salarisse wat wettiglik beding is nie betaal nie,” sê die petisie voorts.
Dít deur ’n petisie aan die minister van gesondheid en maatskaplike dienste in Windhoek te oorhandig.
“Die Nip is bekend daarvoor dat hulle werkers vir onredelike tydperke en met volle salaris skors, terwyl hulle skaars hul kernaktiwiteite kan volhou.
“Die instituut beskik nie oor voldoende hulpbronne nie. Dit lei tot ‘n gebrek aan basiese, kritieke noodsaaklikhede en veroorsaak die risiko van geen of swak dienslewering,” lui die petisie.
Die Nip staar tans verskeie uitdagings in die gesig.
Daar is glo dikwels geen reaktanse in laboratoriums nie, toetse word gestaak, sommige toetse word na Suid-Afrika gestuur, derde partye soos onder meer die staat se pensioenfonds (GIPF), mediese fondse en belasting word dikwels nie betyds betaal nie, verskaffers word nie betaal nie, te veel geld word weens onafgehandelde dissiplinêre verhore aan prokureurs bestee, asook aan toelae.
Die maatskappysekretaris behartig onderhoude vir die pos van uitvoerende hoof en het glo versuim om die direkteursraad oor arbeidsverhoudinge en ’n spesifieke ooreenkoms van raad te bedien.
Die Nip en Napwu het op 9 November 2017 ’n ooreenkoms onderteken waarvolgens aanpassings vir die daarvolgende twee jaar gemaak sou moes word – onderskeidelik op 1 April 2018 en 1 April 2019.
“Volgens die ooreenkoms moes werkers se salarisse op 1 April met 10% aangepas word. Vervoertoelae sou met N$200 vir 2019-’20-typerk toeneem en behuising sou met 35% vir die 2019-’20-boekjaar aangepas word.”
Tydens die mees onlangse vergadering op 12 Julie 2019 is die unie deur die raad ingelig geen verhogings word vir vanjaar toegestaan nie.
Volgens die ontevrede werkers is dit ’n verbreking van die 2017-ooreenkoms.
“Die Nip betaal geskorste bestuurders se salarisse, asook die van waarnemende bestuurders en prokureurs.
“Raadslede word steeds betaal om op die raad te dien en tog word salarisse wat wettiglik beding is nie betaal nie,” sê die petisie voorts.
Kommentaar
Republikein
Geen kommentaar is op hierdie artikel gelaat nie