Pastoor verkrag glo tienerseuns
Die kerk het na bewering reeds sy interne ondersoek afgehandel en het die pastoor 'n skeidingspakket aangebied.
Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.
Die seuns is almal onder 14 jaar en een is so jonk as 10.
Pastoor Joe Diergaardt sal weer op 25 Junie voor landdros Shaatuna Kalla verskyn.
Die saak is op 29 April uitgestel om ondersoekbeamptes meer tyd te gee om die ondersoek te voltooi.
Een van die klagte in die klagstaat spruit uit 'n beweerde voorval in 2010 en 'n ander een in Julie 2019, terwyl die datums vir die ander twee nie aangedui word nie.
Diergaardt is op 29 Januarie in hegtenis geneem nadat die ma van een van die seuns 'n klag teen hom by die eenheid vir die bekamping van vroue- en kindergeweld van die Namibiese polisie aanhangig gemaak het.
Van die gemeentelede is ongelukkig dat Diergaardt op so 'n ernstige klag op borgtog vrygelaat kon word.
Hulle is ook gegrief omdat hy op die Rynse Evangeliese Lutherse Kerk in Namibië (RELK) se perseel in Khomasdal mag aanbly.
Op voorwaarde van anonimiteit het een gemeentelid gesê: “Hy moes óf bedank het, óf uit die bediening ontslaan word, tot 'n finale hofbeslissing. Die gemeente voel nie gemaklik met hom nog op die kerkterrein nie.”
'n Bron na aan die kerkraad, wat ook anoniem wou bly, sê Diergaardt is vir drie maande geskors totdat 'n interne ondersoek afgehandel is.
Dié ondersoek kyk glo nie na enige strafregtelike klagte teen die kerkleier nie, maar eerder hoe hy die gemeente gefaal het.
“Hy moes as pastoor 'n veilige hawe vir die gemeente en hul kinders gewees het,” het die bron gesê.
Die bron glo daar mag ander slagoffers wees en hoop meer mense kom na vore.
Benewens die RELK-gemeente in Windhoek het Diergaardt ook verskeie omliggende gemeentes en buitewyke soos op Rehoboth, Klein Aub en Garies bedien, volgens sy bepaalde jaarprogram.
Ná amper 'n dekade as RELK-pastoor was Diergaardt ook die voorsitter van die kerksinode.
INTERNE ONDERSOEK GLO AFGEHANDEL
Senior pastoor Charl Korner sê egter die interne ondersoek is afgehandel en die kerk het vir Diergaardt 'n skeidingspakket aangebied.
Volgens die ooreenkoms moet Diergaardt ook teen 6 Junie die woning op die kerkperseel ontruim.
“Ek dink nie die kerk sal enige verdere verbintenis met hom vorentoe behou nie,” sê hy.
Diergaardt wou nie met Republikein praat nie.
“Ek wil met geen koerant praat nie. Ek weet nie wat om te sê nie. Pastore in die kerk is nie veronderstel om in die koerante te wees nie,” het hy gesê.
“Ek kan regtig nie verder met jou praat nie, want ek praat nie met koerante nie.”
– [email protected]
FOTO
Die RELK-pastoor Joe Diergaardt word van verkragting van jong seuns beskuldig. Foto verskaf
Die seuns is almal onder 14 jaar en een is so jonk as 10.
Pastoor Joe Diergaardt sal weer op 25 Junie voor landdros Shaatuna Kalla verskyn.
Die saak is op 29 April uitgestel om ondersoekbeamptes meer tyd te gee om die ondersoek te voltooi.
Een van die klagte in die klagstaat spruit uit 'n beweerde voorval in 2010 en 'n ander een in Julie 2019, terwyl die datums vir die ander twee nie aangedui word nie.
Diergaardt is op 29 Januarie in hegtenis geneem nadat die ma van een van die seuns 'n klag teen hom by die eenheid vir die bekamping van vroue- en kindergeweld van die Namibiese polisie aanhangig gemaak het.
Van die gemeentelede is ongelukkig dat Diergaardt op so 'n ernstige klag op borgtog vrygelaat kon word.
Hulle is ook gegrief omdat hy op die Rynse Evangeliese Lutherse Kerk in Namibië (RELK) se perseel in Khomasdal mag aanbly.
Op voorwaarde van anonimiteit het een gemeentelid gesê: “Hy moes óf bedank het, óf uit die bediening ontslaan word, tot 'n finale hofbeslissing. Die gemeente voel nie gemaklik met hom nog op die kerkterrein nie.”
'n Bron na aan die kerkraad, wat ook anoniem wou bly, sê Diergaardt is vir drie maande geskors totdat 'n interne ondersoek afgehandel is.
Dié ondersoek kyk glo nie na enige strafregtelike klagte teen die kerkleier nie, maar eerder hoe hy die gemeente gefaal het.
“Hy moes as pastoor 'n veilige hawe vir die gemeente en hul kinders gewees het,” het die bron gesê.
Die bron glo daar mag ander slagoffers wees en hoop meer mense kom na vore.
Benewens die RELK-gemeente in Windhoek het Diergaardt ook verskeie omliggende gemeentes en buitewyke soos op Rehoboth, Klein Aub en Garies bedien, volgens sy bepaalde jaarprogram.
Ná amper 'n dekade as RELK-pastoor was Diergaardt ook die voorsitter van die kerksinode.
INTERNE ONDERSOEK GLO AFGEHANDEL
Senior pastoor Charl Korner sê egter die interne ondersoek is afgehandel en die kerk het vir Diergaardt 'n skeidingspakket aangebied.
Volgens die ooreenkoms moet Diergaardt ook teen 6 Junie die woning op die kerkperseel ontruim.
“Ek dink nie die kerk sal enige verdere verbintenis met hom vorentoe behou nie,” sê hy.
Diergaardt wou nie met Republikein praat nie.
“Ek wil met geen koerant praat nie. Ek weet nie wat om te sê nie. Pastore in die kerk is nie veronderstel om in die koerante te wees nie,” het hy gesê.
“Ek kan regtig nie verder met jou praat nie, want ek praat nie met koerante nie.”
– [email protected]
FOTO
Die RELK-pastoor Joe Diergaardt word van verkragting van jong seuns beskuldig. Foto verskaf
Kommentaar
Republikein
Geen kommentaar is op hierdie artikel gelaat nie