Passasiers gestrand ná Frankfurt-botsing

Beide Airbus A330-200’s staan nou

18 November 2019 | Vervoer
Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.

Dit volg ná ’n ligte botsing Saterdagaand by die lughawe in Frankfurt toe Air Namibia se enigste Airbus A330-200 wat tans in gebruik is, pas ná landing op pad na sy parkeerplek die vlerk van ’n Boeing 777 van Korean Air getref het.

Dit het om 18:20 gebeur kort nadat die vlug uit Windhoek neergestryk het.

Die nasionale redery sê in ‘n verklaring die Duitse burgerlugvaartowerheid, Luftfahrt-Bundesamt (LBA), het dadelik beide vliegtuie aan vlugte onttrek om die voorval te ondersoek.

’n Passasier op die vlug het gister in ‘n e-pos aan Republikein gesê die twee vliegtuie se vlerke is beskadig. “Die vliegtuig het tot stilstand geruk en al wat ‘n brandweerwa en noodvoertuig is, het ons omsingel.

“Daar was geen woord van die bemanning en kaptein nie, en mooi 45 minute later is ons eers meegedeel dat ons in ’n botsing was,” skryf hy.

Volgens die passasier is die vlug se vertrektyd in die voorafgaande dae vier keer verander. “Die vlug was veronderstel om Saterdag om 21:35 vanaf die Hosea Kutako Internasionale Lughawe te vertrek, maar toe vlieg ons al Saterdag 08:00.”

Hy sê hulle is eers omtrent twee ure ná die botsing van die vligtuig af na die terminaal geneem.

Die 244 passasiers wat in daardie stadium op die lughawe in Frankfurt gewag het om met vlug SW286 na Windhoek te vlieg, moes teleurgesteld hoor die vlug is gekanselleer.

Air Namibia sê die passasiers op die volbespreekte vlug is huisvesting vir die nag aangebied.

Hulle en die passasiers wat gister sou vlug, is op ander rederye se vlugte geakkommodeer, sê Air Namibia.

“Air Namibia sal eers toegang tot sy vliegtuig kry as LBA se ondersoek afgehandel en die herstelwerk gedoen is.” Die nasionale redery sê nie wanneer dit sal wees nie.

Intussen word die ander Airbus A330-200 in die vloot wat op die Frankfurt-roete gebruik word, tans gediens. Dit sal eers op 30 November weer in gebruik wees, het mnr. Twaku Kayofa, Air Namibia se woordvoerder, vroeër aan Republikein gesê.

Soortgelyk

 

50 nuwe Covid-19-gevalle, 32 in Windhoek

14 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...