Pasop vir dié vals stromingsdiens

Diens vat bloot jou geld

15 August 2018 | Tegnologie
Petrus Malherbe - Ligloop vir 'n nuwe slenter wat die ronde doen. 'n Facebook-plasing van die flieknuusblad Movie Tweak maak tans melding van 'n “nuwe webwerf” wat “miljoene Netflix-gebruikers” wegrokkel omdat dit so fantasties is.

Movie Tweak het meer as 30 000 volgelinge op Facebook, maar die webwerf is net 'n skerm vir 'n bedrogspul wat mense se kredietkaartbesonderhede in die hande probeer kry.

In die Facebook-plasing, nogal in perfekte Afrikaans ook, spog Movie Tweak die nuwe webwerf bied “tonne nuwe flieks en TV-programme” en dat dit “maklik op enige toestel” werk. Daar word ook aangedui dat die blad geborg is.

Sodra jy op die meegaande skakel klik, word jy herlei na 'n ­Afrikaanse nuusartikel deur 'n ene Ross Green waarin beweer word Netflix het “volgens party berigte” vandeesmaand miljoene van sy gebruikers verloor wat stroom na 'n nuwe webwerf, bekend as Silverscreen.

“Met byna 'n onbeperkte keuse van HD-flieks en TV-reekse . . . is dit geen wonder dat Netflix tot 100 000 gebruikers in net een dag verloor het nie,” skryf Green verder.

Dit is egter alles 'n bogstorie. Silverscreen is nie 'n erkende stromingsdiens soos Netflix of Showmax nie, trouens dit bestaan glad nie.

Boonop laat die nuusartikel dit klink of “gratis registrasie” binnekort gaan eindig en dat belangstellendes vinnig moet spring.

Die registrasie-skakel herlei jou na 'n vals webblad genaamd Movie Boss waar jy jou e-posadres moet invul.

Dan word daar vir jou kredietkaartbesonderhede gevra.

'n Vinnige internetsoektog bevestig dat duisende mense al 'n bloutjie met Movie Boss geloop het, wat volgens die fynskrif €49,99 (sowat R820) per maand gaan verhaal vir die “diens”.

Selfs al betaal jy, is daar geen flieks of TV-reekse om te kyk nie, die diens vat bloot jou geld.

Een slagoffer skryf op die webwerf Onlinethreatalerts hy het herhaaldelik probeer om sy intekening te kanselleer, maar sonder sukses.

Die webwerf raai slagoffers aan om hul bank te kontak om te help keer dat Movie Boss nog geld steel. – Netwerk24

Soortgelyk

 

Honderde miljoene vir veevoer nodig

17 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

17 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

17 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

17 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

17 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

17 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

17 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

17 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

17 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...