Parlement maak virtuele planne

30 April 2020 | Regering
Denver Kisting – Tot watter mate parlementêre sittings voortaan deur middel van virtuele vergaderings sal geskied, sal hoofsaaklik afhang van die koste-implikasies.

Só sê mnr. David Nahogandja, die woordvoerder van die Nasionale Vergadering (NV), by navraag.

Dit kom nadat die speaker, prof. Peter Katjavivi, alle navrae oor die toekoms van die land se wetmakende liggame se werksaamhede na Nahogandja verwys het.

In dié stadium, sê die woordvoerder, “is voorbereidings onderweg om te verseker watter vorm ook al sittings gaan aanneem, kom dit die staandereëls van die NV en die regulasies van die Wêreldgesondheidsorganisasie (WHO) en Namibië se noodtoestand na wat die stryd teen Covid-19 betref”.

Volgens Nahogandja, behels die tussentydse plan om sessies deels in vertrekke van parlementêre komitees of op kamers met behulp van videokonferensies te belê.

Die verwagte tertafellegging van die begroting aanstaande maand sal waarskynlik op dié manier hanteer word.

Mnr. Penda Ithindi, die ekonomiese raadgewer van mnr. Iipumbu Shiimi, die minister van finansies, het eergisteraand (Dinsdag) gesê Shiimi sal waarskynlik die nasionale begroting op 19 Mei aan die NV voorlê.

Die woordvoerder sê die fokus is tans op hoe om met die “huidige situasie wat Covid-19 betref” om te gaan sodat parlementêre sessies voortgesit kan word én die gesondheid van LP’s en belanghebbendes nie in die gedrang beland nie.

“Die toekomstige vooruitsigte van ’n virtuele parlement sal bepaal word deur die beskikbaarheid van hulpbronne, spesifiek finansies.”

- [email protected]

Soortgelyk

 

Covid-19: 20 sterftes, 151 nuwe gevalle

1 uur gelede | Gesondheid

Die ministerie van gesondheid en maatskaplike dienste het twintig nuwe Covid-19-sterftes aangemeld, die meeste daarvan op Gobabis (13 sterftes), wat dié sterftesyfer op 3 884...

Hardap se sluise dalk vanaand getrek

3 ure gelede | Omgewing

Die Hardapdam kan dalk laat vanaand 70% van sy kapasiteit bereik, wat beteken dié suidedam se sluise sal getrek moet word. Die dam was om...

Botswana-weermag nie aanspreeklik vir sterftes

4 ure gelede | Howe

Landdros Taboka Mopipi het beslis dat Botswsana se weermag (BDF) nie aanspreeklik gehou kan word vir die sterftes van die Nchindo-broers en hul neef, wat...

Erkenning vir selfdegeslaghuwelikke afgekeur

4 ure gelede | Howe

Drie regters in die Windhoekse hoërhoof het ‘n aansoek van die hand gewys om selfdegeslaghuwelikke te erken tussen twee Namibiërs en hul buitelandse eggenotes. Hulle...

Vyf damme kry water

8 ure gelede | Omgewing

Teen gistermiddag om 14:50 het die Hardapdam nog sowat 289,3 m³ water per sekonde ingekry, terwyl nog drie ander nasionale damme sedert Maandag ‘n inloop...

Lelies begin Sondag blom

18 ure gelede | Omgewing

Belangstellendes kan Sondag weer die lelieskouspel op die plaas Sandhof naby Maltahöhe bewonder wanneer die blomme na verwagting in die kleipan sal begin blom. Die...

Nóg reën word voorspel

18 ure gelede | Weer

Henriette Lamprecht – Met die weerprofete wat nóg reën voorspel, is dit veral die suidelike en sentrale gedeeltes van Namibië wat juig oor hul reënmeters...

Oranje: Oorstromings ‘haas onafwendbaar’

18 ure gelede |

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou...

Weer vir 20 Januarie 2021

18 ure gelede | Weer

WEERWAAK: Tref voorsorg teen wyd verspreide donderbuie.BINNELAND: Gedeeltelik bewolk en warm in die Namib en die Zambezi- en Omaheke-streke met enkele buie. Elders bewolk en...