Paratus en stadsraad stamp koppe

Polisie konfiskeer toerusting

14 February 2020 | Regering
Yolanda Nel - Werknemers van die telekommunikasiemaatskappy Paratus wat gister besig was om gate in die hoofstad te grawe om veselkabelverbinding aan te lê, moes dit staak toe die polisie op hul toerusting en die kontrakteur se lorrie beslag gelê het.

Hoewel ’n dokument wat op 12 Desember 2019 deur die Windhoekse stadsraad (CoW) gestempel is, aandui Paratus het toestemming om veselkabels in Nelson Mandelaweg in Windhoek aan te lê, is werkers ingelig hulle oortree die wet op plaaslike owerhede.

Volgens die besturende direkteur van Paratus, mnr. Andrew Hall, kon niemand van die stadsraad presies sê wat die spesifieke regulasie behels nie, net dat CoW meen “Paratus beskadig die sypaadjies”.

Tog sit die goedgekeurde dokumente uiteen dat pype aangelê moet word en slote gegrawe moet word om telekommunikasiedienste te kan lewer.

“Dit vereis dat konstruksie onder die grond, paaie of sypaadjies uitgevoer word,” lui die munisipale dokument.

Volgens Hall het Paratus verlede jaar ’n aansoek hiervoor ingedien en is dit goedgekeur.

Hall het aangevoer artikel 62 van die kommunikasiewet bepaal Paratus het die mandaat om hierdie verbinding aan te lê.

Hy het erken Paratus het Woensdag ’n brief ontvang wat hulle in kennis stel die maatskappy oortree ’n spesifieke wet op plaaslike owerhede, “maar ons het besluit om met die werk voort te gaan, omdat ons alle stappe gedoen het en die nodige toestemming verkry het”.

Hy het voorts gesê Paratus werk aan verskeie projekte en dié voorval kan vertragings in hul skedule veroorsaak.

“Dit lyk vir ons na ’n taktiek van die stadsraad om ons te vertraag, en het dit ’n geweldige impak op ons werksaamhede.”

Paratus het in 2018 reeds ’n brief van CoW ontvang waarvolgens dié owerheid in die vervolg Paratus se aansoeke nie sou goedkeur nie, aangesien hy self met die besigheid wil meeding.

Volgens die brief het CoW ’n kennisgewing in die media vir die kommersialisering van hul optiese veselkabelnetwerk geplaas, “wat die opgradering en uitbreiding van bestaande infrastruktuur sal bewerkstellig ten einde dieselfde doel as u besigheid te bereik”.

“Aangesien Paratus met die stadsraad se beoogde projek meeding en u onderneming ook nie deelgeneem het aan ons uitnodiging om belangstelling te toon nie, kan die munisipaliteit Paratus nie magtig om verdere toegang te verkry of enige veselinfrastruktuur op enige van die stad se openbare ruimtes of paaie te installeer nie, en bring dit die stadsraad se strategiese voornemens in die gedrang,” lui die munispale dokument.

Hall sê CoW is nie in besit van ’n telekommunikasielisensie nie.

“Die stadsraad het eers verlede jaar om die lisensie aansoek gedoen,” sê hy.

Ná gister se voorval het Paratus-werkers saam met Hall by CoW bymekaargekom sodat rekord gehou kan word van alle toerusting waarop die polisie beslag gelê het.

Verskeie versoeke om kommentaar van CoW het onbeantwoord gebly.

Cran het teen druktyd nog nie bevestig of die stadsraad se telekommunikasielisensie goedgekeur is nie.

[email protected]

Soortgelyk

 

Etosha Sondagmiddag deur aardbewing geskud

2 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

2 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

3 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

3 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

4 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

14 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

14 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

14 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

14 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...