Padongelukke eis polisielede

Bestuur sonder rybewys noodlottig

02 January 2019 | Ongelukke
Augetto Graig - Met die aanvang van verlede jaar se laaste naweek het twee Namibiese polisiebeamptes hul lewens op ons land se paaie verloor.

Vrydag omstreeks 08:00 het ’n polisiebakkie met sewe insittendes ’n Zambiese lorrie op die hoofpad tussen Rundu en Katima Mulilo getref, wat in die teenoorgestelde rigting op pad was. In die polisiebakkie was vyf beamptes en twee gevangenes.

Adj.komm. Bonifatius Kanyetu van die Namibiese polisie (Nampol) het aan Nampa gesê die vragmotor het ’n ander voertuig probeer verbysteek toe dit van voor met die polisievoertuig gebots het.

Die ongeluk het sowat 14 km buite Rundu plaasgevind.

Twee van die polisiebeamptes, sers. Tjilombo Manju (50) en sers. Muduva Mayinga (42) het op die toneel gesterf.

Hulle was albei deel van die spesiale veldmag wat na die Kashipe-grenspos in die Ndiyona-kiesafdeling ontplooi is.

Die oorlewende polisiebeamptes sluit in mnr. Kapenda Mbuna (39), wat die bakkie bestuur het, en mnre. Matare Matare (29) en Sikumba Mubita (39).

Al drie verkeer volgens die polisie in ’n kritieke toestand in die Rundu-staatshospitaal.

Die twee gevangenes was op pad na hul eerste verskyning voor die Rundu-landdroshof.

Hulle is me. Katanga Kunyima (46) en mnr. Hamutenya Kanyinga (19), wat aanvanklik by die Ndiyona-polisiekantoor in verband met aanranding aangehou is.

Die Zambiese vragmotorbestuurder is ’n 31-jarige man van Ndola in die Copperbelt-distrik, wat by ’n Zambiese vervoermaatskappy in diens is.

Hy is van strafbare manslag aangekla en sou Maandag 31 Desember voor die landdroshof op Rundu verskyn, terwyl die polisieondersoek voortgaan.

Donderdag omstreeks 22:30 was nog ’n bakkie met sewe insittendes in ’n ongeluk betrokke.

Tussen die Omandhiya-omgewing en die Tsandi-Onesi-teerpad het ’n 20-jarige drywer sonder rybewys beheer van ’n bakkie verloor en ’n paal getref.

Hy is met ernstige beserings in die Tsandi-staatshospitaal opgeneem, terwyl sy ses passasiers slegs ligte beserings opgedoen het.

Vroeër die dag, omstreeks 16:50, het die bestuurder van ’n dubbelkajuitbakkie op die stofpad tussen Karibib en Otjimbingwe, sowat 43 km voor Otjimbingwe, beheer oor die voertuig verloor.

Die voertuig het met ses insittendes gerol.

Die ongeluk is vermoedelik deur los wielmoere veroorsaak, wat daartoe gelei het dat een van die agterste bande losgekom het.

Die bestuurder was ’n 38-jarige polisiebeampte van die Otjimbingwe-polisiekantoor, wat van diens af was.

Al vyf passasiers is met ernstige beserings in die Usakos-staatshospitaal opgeneem.

Hulle is mnr. Helmut Nawaseb (69), me. Matoa Naobes (60), me. Angelika //Hoëbes (56), me. Marlyn Kharisoas (38) en mnr. Andreas Mbamba (29), ook van die Otjimbingwe-polisiekantoor.

Omstreeks 15:45 dieselfde middag het ’n luikrugvoertuig, sowat 8 km voor Karibib op die D1953-stofpad van Otjimbingwe af, gerol.

Me. Linda Namases (31), die bestuurder van die voertuig, is lig beseer, en haar sewe passasiers is ná behandeling by die Usakos-staatshospitaal ontslaan.

Verskeie ongelukke het volgens die polisie ook verlede Maandag plaasgevind.

Daar was onder meer ’n voorval waartydens ’n onpadwaardige voertuig sonder rybewys op die stofpad na Omihana bestuur is.

Die 19-jarige bestuurder is in hegtenis geneem ná die bakkie gerol het en twee van sy drie passasiers beseer is.

Hulle is van die Uis-kliniek af na die Omaruru-hospitaal vir behandeling oorgeplaas.

By Okahao het die 61-jarige mnr. Makaya Pineas Kuume op die toneel gesterf toe hy beheer van sy voertuig verloor het en dit omgekeer het.

Kuume het ook sonder rybewys van Etilyasa af gery.

Op Uis het mnr. Paulus Shashipapo (45) glo omstreeks 21:50 ’n onpadwaardige bakkie sonder rybewys bestuur.

Hy het 20 km voor Uis op die Omihana-stofpad beheer oor die voertuig verloor en ’n 20-jarige passasier is ernstig in dié ongeluk beseer.

Soortgelyk

 

'n Seder val in Swapo

9 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

9 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

9 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

9 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

9 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

9 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

9 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

9 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...

'Millenniërs werk anders'

9 ure gelede | Ministeries

Augetto Graig - Werkloosheid onder die jeug is 'n nasionale krisis wat op alle vlakke, nie net deur die regering nie, dringend aangespreek moet word....