Padgebruik al duurder

21 May 2019 | Infrastruktuur
Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld.

Dit beteken tariewe by grensposte verhoog, asook tariewe op voertuie wat buitelands geregistreer is.

Wanneer Namibiese paaie gebruik word, moet eienaars en bestuurders van voertuie wat in die buiteland geregistreer is, die RFA-kantoor by die onderskeie Namibiese grensposte besoek om die nodige vorms te voltooi, die verpligte bedrag te betaal en die meegaande permit te bekom.

Motorfietse, karavane en ligte sleepwaens sal N$196 uit die sak gejaag word, terwyl sedan-eienaars N$242 sal moet opdok.

Die tarief vir bakkies en minibusse met tot 25 passasiers is N$308, en die bestuurders van kleiner afleweringsvoertuie sal N$644 moet hoes.

Vir swaar voertuie soos busse en enkeleenheidlorries beloop tariewe N$727 of N$923 elk, afhangende van hul massa.

Trokke met waens sal tussen N$727, N$923 of N$1 763 betaal, afhangende van die voertuigmassa.

Dit sal spesiale padbouvoertuie N$2 561 elk kos om die grens oor te steek.

Ander voertuie wat nie op die lys verskyn nie, sal N$489 moet opdok, terwyl die permit vir gereelde gebruikers nou N$434 beloop.

Alle Namibiese voertuie en voertuie wat in die buiteland geregistreer is met ’n drakrag bo 3 500 kg moet reisafstands- en gewigsfooie betaal – dít omdat swaarvoertuie meer skade aan die pad aanrig.

Van eienaars en bestuurders van hierdie swaarvoertuie word verwag om afstande aan te meld en rekord te hou van vrag wat hulle deur die jaar vervoer.

Die RFA bereken jaarlikse kostes en reik lisensies uit wanneer alle uitstaande skuld betaal is. Voertuie wat die wet oortree, kan op die toneel met tot N$4 000 beboet word.

Fooie gehef op abnormale vrag, jaarlikse voertuiglisensies, registrasiefooie en brandstofheffings is ook hierby ingesluit.

Brandstofheffings word outomaties by brandstofpryse ingesluit, terwyl voertuiglisensies en registrasiefooie by die Namibiese Verkeers- en Inligtingstelsel (NaTIS) se kantore landswyd betaal moet word.

Die nuwe tariewe kan by die RFA-kantoor aangeskaf word, of besoek [email protected] vir meer inligting.

Soortgelyk

 

Afrika en Namibië gereed coronavirussiekte (Covid-19)

1 uur gelede | Gesondheid

Die Wêreldgesondheidsorganisasie (WHO) se noodgesondheidsbeampte vir Namibië, dr. Petrus Mhata, sê die organisasie beveel nie enige reis- en handelsbeperkings met China vir lande in Afrika...

Fopnuus tydens die verkiesing

2 ure gelede | Politiek

Navorsers verbonde aan die Instituut vir Openbare Beleidsnavorsing (IPPR), mnr. Frederico Links en me. Martha Nangolo, deel vanoggend hul bevindings oor fopnuus wat voor, tydens...

Verskeie staatskole in Windhoek sonder water, krag

4 ure gelede | Onderwys

Meer as tien staatskole in Windhoek is reeds vir dae sonder krag en water, nadat toevoer deur die munisipaliteit afgesny is. Die skole wat geraak...

Hardapkrane lóóp

4 ure gelede | Landbou

Elvira Hattingh - Watertoevoer in die besproeiingskanaal op die Hardapskema het reeds 05:00 vanoggend weer afgeskop. Dit volg nadat NamWater se uitvoerende hoof, mnr. Abraham...

‘Skaapdiefstal’ lei tot treurspel ...

13 ure gelede | Howe

Francoise Steynberg - Die beweerde diefstal van 30 skape by ’n bekende ruskamp buite Keetmanshoop het Maandag glo tot die dood van ’n vermeende skaapdief,...

’n Uitspansel vol belofte

13 ure gelede | In beeld

Mnr. Ettienne Rossouw het dié foto gistermiddag om 15:00 in Suid-Namib geneem en op die Facebook-blad “Namibië Reënval” gedeel. “Kyk hoe bou die wolke. Belowend!”...

Itula slyp sy tande opnuut

13 ure gelede | Howe

Denver Kisting – Dae nadat die hooggeregshof beslis het Namibiërs keer nie terug stembus toe nie, het die voormalige onhafhanklike presidensiële kandidaat, dr. Panduleni Itula,...

Corona draai in parlement

13 ure gelede | Regering

Augetto Graig – Die Swapo-agterbanker en parlementslid me. Pendukeni Iivula-Ithana het gistermiddag die minister van hoër onderwys, opleiding en vernuwing, dr. Itah Kandjii-Murangi, oor die...

Krokodil val man aan

13 ure gelede | Misdaad

Francoise Steynberg Omstanders het tevergeefs probeer om 'n 45-jarige man uit die kake van 'n krokodil in die Zambezirivier by Impalila-eiland te red. Volgens die...