Paasbolletjies maak jou ‘hoenderkop’
Elvira Hattingh – As jy die naweek ‘n motor gaan bestuur, moet jy versigtig aan paasbolletjies smul.
Stadig ook met padkos soos pizza en ander gebak as gis een van die bestanddele is.
Alhoewel dit jou nie besope gaan maak nie, kan dit wel ná ‘n blaastoets die polisie oortuig jy het te diep in die bottel gekyk.
Die nuus volg nadat ‘n video gister wyd in Namibiese sosiale media versprei is waarin ‘n Suid-Afrikaanse polisiebeampte in Port Elizabeth se asem aanvanklik negatief vir alkohol toets. Daarna neem hy twee enorme happe van ‘n Checkers-paasbolletjie “wat by Metlife Plaza” gekoop is en blaas die metertjie tot op 0,21 mg .
Nog één krummel en hy was oor die buurland se perk van 0,24 mg.
Daarteenoor sou ‘n Namibiër waarskynlik drie happe kon neem, aangesien ons toelaatbare bloedalkoholvlak vir 'n blaastoets 0,37 mg per 1 000 ml asem is.
10 000 SAL JOU DRONK MAAK
Die Namibiese voedselkundige dr. Diana van Schalkwyk verduidelik dat die gis, wat een van die bestanddele is, ‘n klein bietjie alkohol produseer.
Sy sê dit is egter heeltemal te min om ‘n mens dronk te maak.
Dit hang natuurlik af hoe groot jou eetlus is, meen die buurland se Justice Project South Africa (JPSA), wat sê jy sal beslis dronk (en redelik versadig) wees as jy 10 000 paasbolletjies geëet het.
Van Schalkwyk sê dit is egter moontlik dat ‘n paasbolletjie jou ‘n blaastoets kan laat dop.
“Om positief vir alkohol as gevolg hiervan te toets, sal jy die blaastoets moet doen terwyl die kos nog soort van in jou mond is. Die oomblik as dit in jou spysverteringstelsel beland, is dit te veel verdun om opgetel te word,” het sy gesê.
Van Schalkwyk het bevestig dat tot die asyn wat in sommige slaaisouse gebruik word, vrugte en vrugtesappe waarin fermentasieprosesse kan voorkom en mondspoelmiddels tot ‘n vals positiewe resultaat kan lei.
“Dit is egter net moontlik indien jy ‘n toets neem direk nadat jy van die produkte geëet of gebruik het.” Sy sê in die praktyk het sy al soortgelyke gevalle gesien, maar dit kan help om jou mond met water uit te spoel en ‘n paar minute te wag voordat jy weer die blaastoets doen.
Sy sê die blaastoetse word net gebruik om ‘n aanduiding te gee of iemand onder die invloed is, terwyl ‘n bloedtoets die ware jakob is.
Die nuwer EBAT-blaastoestelle, wat op Suid-Afrikaanse paaie gebruik word, is ontwerp om nie alkohol in jou mond waar te neem nie.
Intussen het Checkers in ‘n persverklaring hul tevredenheid uitgespreek dat ‘n video van hul paasbolletjies soveel opslae gemaak het.
Hul woordvoerder, me. Sarita van Wyk, het bevestig hul paasbolletjies is beslis alkoholvry en word van die beste, natuurlike bestanddele gemaak.
“Die vals-positiewe resultaat op die blaastoets in die video word waarskynlik veroorsaak deur gis en vrugte, wat wel tot onakkurate blaastoetsresultate lei, soos reeds die eerste keer in Australië in Januarie vanjaar oor verslag gedoen is,” het Van Wyk gesê.
Intussen het ‘n vervaardiger van blaastoetse wat in motors geïnstalleer word, LifeSafer, ook erken dat gebak jou gestrand kan laat. Motors met dié toestelle sluit nie aan as die alkoholvlak in jou asem te hoog is nie.
Stadig ook met padkos soos pizza en ander gebak as gis een van die bestanddele is.
Alhoewel dit jou nie besope gaan maak nie, kan dit wel ná ‘n blaastoets die polisie oortuig jy het te diep in die bottel gekyk.
Die nuus volg nadat ‘n video gister wyd in Namibiese sosiale media versprei is waarin ‘n Suid-Afrikaanse polisiebeampte in Port Elizabeth se asem aanvanklik negatief vir alkohol toets. Daarna neem hy twee enorme happe van ‘n Checkers-paasbolletjie “wat by Metlife Plaza” gekoop is en blaas die metertjie tot op 0,21 mg .
Nog één krummel en hy was oor die buurland se perk van 0,24 mg.
Daarteenoor sou ‘n Namibiër waarskynlik drie happe kon neem, aangesien ons toelaatbare bloedalkoholvlak vir 'n blaastoets 0,37 mg per 1 000 ml asem is.
10 000 SAL JOU DRONK MAAK
Die Namibiese voedselkundige dr. Diana van Schalkwyk verduidelik dat die gis, wat een van die bestanddele is, ‘n klein bietjie alkohol produseer.
Sy sê dit is egter heeltemal te min om ‘n mens dronk te maak.
Dit hang natuurlik af hoe groot jou eetlus is, meen die buurland se Justice Project South Africa (JPSA), wat sê jy sal beslis dronk (en redelik versadig) wees as jy 10 000 paasbolletjies geëet het.
Van Schalkwyk sê dit is egter moontlik dat ‘n paasbolletjie jou ‘n blaastoets kan laat dop.
“Om positief vir alkohol as gevolg hiervan te toets, sal jy die blaastoets moet doen terwyl die kos nog soort van in jou mond is. Die oomblik as dit in jou spysverteringstelsel beland, is dit te veel verdun om opgetel te word,” het sy gesê.
Van Schalkwyk het bevestig dat tot die asyn wat in sommige slaaisouse gebruik word, vrugte en vrugtesappe waarin fermentasieprosesse kan voorkom en mondspoelmiddels tot ‘n vals positiewe resultaat kan lei.
“Dit is egter net moontlik indien jy ‘n toets neem direk nadat jy van die produkte geëet of gebruik het.” Sy sê in die praktyk het sy al soortgelyke gevalle gesien, maar dit kan help om jou mond met water uit te spoel en ‘n paar minute te wag voordat jy weer die blaastoets doen.
Sy sê die blaastoetse word net gebruik om ‘n aanduiding te gee of iemand onder die invloed is, terwyl ‘n bloedtoets die ware jakob is.
Die nuwer EBAT-blaastoestelle, wat op Suid-Afrikaanse paaie gebruik word, is ontwerp om nie alkohol in jou mond waar te neem nie.
Intussen het Checkers in ‘n persverklaring hul tevredenheid uitgespreek dat ‘n video van hul paasbolletjies soveel opslae gemaak het.
Hul woordvoerder, me. Sarita van Wyk, het bevestig hul paasbolletjies is beslis alkoholvry en word van die beste, natuurlike bestanddele gemaak.
“Die vals-positiewe resultaat op die blaastoets in die video word waarskynlik veroorsaak deur gis en vrugte, wat wel tot onakkurate blaastoetsresultate lei, soos reeds die eerste keer in Australië in Januarie vanjaar oor verslag gedoen is,” het Van Wyk gesê.
Intussen het ‘n vervaardiger van blaastoetse wat in motors geïnstalleer word, LifeSafer, ook erken dat gebak jou gestrand kan laat. Motors met dié toestelle sluit nie aan as die alkoholvlak in jou asem te hoog is nie.
Kommentaar
Republikein
Geen kommentaar is op hierdie artikel gelaat nie