Paaiesektor moet binne perke leef

Die RFA het sy opgeloopte tekort in die afgelope boekjaar van N$550 miljoen tot N$66 miljoen verminder.

24 November 2016 | Infrastruktuur
Catherine Sasman - Die raadvoorsitter van die Padfondsadministrasie (RFA), mnr. Penda Ithindi, sê die instelling se beperkte inkomste-invorderingstrome noodsaak ''n meer innoverende benadering tot bykomende befondsing en meer deurdagte gebruik daarvan.

“Ons moet ''n balans vind tussen wat vir die ekonomie nodig is en wat die beste manier is om optimaal van ons hulpbronne gebruik te maak,” het Ithindi Dinsdag tydens die jaarlikse besinning oor die RFA se sakeplan gesê.

In dié verband het hy gesê buitensporige verpligtinge op begrotings moet vermy word, aangesien dit hardverdiende surplusse uitput.

Hy het bygevoeg dat buitensporige prysvasstellings ingeperk moet word, terwyl optimale gehalte nagestreef moet word.

“Dit moet lyk asof ons vir die volgende 100 jaar beplan,” het Ithindi gesê.

Hy het gesê die fokus vir die volgende vyf jaar moet daarom op die bou van minder, maar meer strategiese paaie wees.

Die RFA se vyfjaar strategiese plan is tans onder bespreking om dit in ooreenstemming met die vyfde Nasionale Ontwikkelingsplan (NDP 5) en die Harambee-welvaartplan rakende vervoer, logistiek en die padsektor te bring.

Die RFA het bykans N$2,12 miljard vir die 2015-''16 finansiële jaar ingevorder, waarvan N$1,84 miljard bestee is.

RFA se uitvoerende hoof, mnr. Ali Ipinge, het gesê die maatskappy se finansiële posisie het Maart op ''n positiewe noot met ''n surplus van N$277 miljoen geëindig. Die opgeloopte tekort is van N$550 miljoen tot N$66 miljoen verminder.

Die RFA het ook sy agterstallige skuld van N$330 miljoen afbetaal.

“Met die afbetaling van skuld is broodnodige kontant beskikbaar om bykomende instandhouding van paaie te doen,” het Ipinde gesê.

''n Lening van N$447 miljoen van die Duitse ontwikkelingsbank KfW wat in Desember verkry is, het befondsing aangevul vir die dubbelpad wat tans tussen Windhoek en Okahandja gebou word.

Die RFA bestuur die padfonds wat deur die padverbruikersgelde verkry word. Geld vir die padfonds word aan projekte en programme vir die onderhoud en behoud van die nasionale padnetwerk toegeken.

Dit word gedoen deur befondsing van veral die Paaieowerheid (RA), sowel as streeks- en plaaslike owerhede en verkeerswetstoepassing.

Ithindi het gesê deur die befondsing van die RA is die agterstand van die instandhouding van teerpaaie van 17% in 2012 tot 9% verminder, met die herseëling van paaie wat vier jaar gelede begin het.

Dit is egter ten koste van grondpaaie - daar is ''n agterstand van 70% in behoorlike instandhouding. Die RFA en RA het egter onderneem om meer geld hiervoor beskikbaar te stel.

Volgens die RFA se strategiese beplanning sal die RFA Wet van 1999 gewysig word om met die Wet op Openbarebestuur van 2015 ooreen te stem.

''n Hersiening van die werksaamhede van Natis en sy gepaardgaande eNatis word ook beplan om dienste wyer beskikbaar te stel en om dienslewering aan padgebruikers te verbeter, sê die RFA.

Soortgelyk

 

Kunene styg steeds

5 ure gelede | In beeld

Die Kunenerivier vloei sterk en gemeenskappe word steeds gewaarsku om waaksaam te wees. Vrydag het die Kunenerivier by Ruacana teen sowat 1 182,4 kubieke meter...

Twee kragstasies op Husab gebou

5 ure gelede | Energie

Augetto Graig - Swakop Uranium se yslike Husab-uraanmyn het onlangs twee nuwe kragstasies getoets en in werking gestel. Dít is deur mnr. Percy McCallum, visepresident...

‘Interdik mag nie korrupsie toesmeer’

5 ure gelede | Howe

Ronelle Rademeyer - Die inligting waaroor die weekblad The Patriot wil berig, is anders as wat die Sentrale Intelligensiediens van Namibië (NCIS) en die regering...

Kort nuus

5 ure gelede | Misdaad

HavanaDriejarige se liggaam gevind Die liggaam van die driejarige seun wat saam met sy ma, me. Saima Thomas (32), verlede Maandagaand deur 'n kitsvloed in...

Geen borgtog vir vrou wat nefie (3) glo met...

5 ure gelede | Howe

Francoise Steynberg - ’n Driejarige seuntjie se tannie, wat daarvan beskuldig word dat sy hom met 'n stok doodgeslaan het, is Vrydag borgtog in die...

Dubbele SADC-troika vergader

5 ure gelede | Regering

Die Suider-Afrikaanse Ontwikkelingsgemeenskap (SADC) se dubbele troika van staatshoofde hou môre ‘n spitsberaad in Luanda, in Angola. Die spitsberaad bestaan uit staatshoofde of hul verteenwoordigers...

Weer vir 23 April 2018

5 ure gelede | Weer

WEERWAAK: Koue toestande word môre in die Suide verwag. Die nodige voorsorgmaatreëls moet getref word.BINNELAND: Gedeeltelik bewolk en baie warm in die verre Suide en...

Verwarring oor taxistaking

5 ure gelede | Arbeid

Maria Eiseb - Hoewel die president van die Namibië Vervoer- en Taxivakbond (NTTU), mnr. Werner Januarie, gesê het taxi’s gaan vandag staak, sê die sekretaris-generaal...

Kragtarief styg met 5%

5 ure gelede | Energie

Augetto Graig - Die Elektrisiteitsbeheerraad (ECB) het Vrydag die nasionale kragverskaffer, NamPower, toestemming gegee om die tarief vir die verskaffing van elektrisiteit op groot skaal...