Pa verkrag glo sy dogter (20)

Beweerde herrie met bendelid

10 July 2018 | Misdaad
Tanja Bause - Volgens die Namibiese polisie se misdaadverslag is 'n 20-jarige vrou op Khorixas Saterdag ­omstreeks 01:00 glo deur haar pa verkrag.

Die vrou, wat glo in Windhoek woon, het volgens die polisie Khorixas toe gereis om haar ouma te besoek.

Terwyl sy geslaap het, het haar pa na wat verneem word die kamer binnegekom en haar verkrag.

Daarna het hy na bewering op die vlug geslaan en is nog nie in hegtenis geneem nie. Die polisie is op soek na hom.

'n Negentienjarige vrou het Sondag glo 'n sjebeen in die Spitzkoppe-area naby Usakos saam met vriende besoek.

Na wat verneem word het 'n vriend haar huis toe geneem om te slaap, en haar in die huis toegesluit.

Hierna het 'n man (29) glo die venster stukkend geslaan en haar verkrag.

Die eienaar van die huis het by die huis opgedaag en die man glo op ­heterdaad betrap.

'n Bakleiery het na bewering tussen die twee mans uitgebreek en die bure het die polisie gebel.

Beide die slagoffer en die ­verdagte is in die Usakos-staatshospitaal ­opgeneem en die verdagte is tans onder polisiebewaking.



Boko Haram-lid glo geskiet

'n Sekuriteitswag het Saterdag om 20:30 glo 'n 17-jarige seun in die been geskiet.

Die voorval het na wat verneem word by die Single Quarters in Katutura plaasgevind.

Die seun het volgens die polisie 'n gewelddadige geskiedenis en is glo 'n lid van die bekende Boko Haram-bende.

Hy wou glo iemand beroof wat geld by 'n dobbelmasjien gewen het.

Die sekuriteitswag is geroep om te kom help.

Die seun het die man toe na ­bewering aangeval en 'n ander sekuriteitswag het twee waarskuwingskote afgevuur.

Dit het die seun glo nog aggressiewer gemaak en hy het die sekuriteitswag toe glo met 'n mes bestorm.

Hierop is hy na wat verneem word in die been geskiet en na die Katutura-­staatshospitaal geneem.

Die wag is nie in hegtenis geneem nie, maar beslag is op sy vuurwapen gelê.



Voetganger doodgery

'n Polisie-inspekteur (55) van die eenheid vir Baie Belangrike Persone is Saterdag in hegtenis geneem nadat hy glo 'n voetganger doodgery het. Volgens die polisie se misdaadverslag het die polisie-inspekteur nie 'n rybewys nie. Die voorval het omstreeks 01:00 op die hoofpad tussen Omuthiya en Ondangwa plaasgevind.

Die oorledene se familie is nog nie van sy dood in kennis gestel nie.



Padsterftes

Sondag omstreeks 01:37 het 'n voertuig met ses Angolese studente teen 'n straatlig gebots nadat die bestuurder beheer oor die voertuig verloor het.

Die ongeluk het in Windhoek op die hoek van Onafhanklikheidsrylaan en Lutherstraat plaasgevind. Een van die passasiers wat agter gesit het, het op die toneel gesterf en is nog nie ­geïdentifiseer nie.

Volgens toetse was die bestuurder se bloedalkoholvlak glo te hoog en is hy in hegtenis geneem.

Mnr. Moses Johannes (58) is in die intermediêre hospitaal op Oshakati oorlede nadat hy glo beheer oor sy voertuig verloor het en dit verskeie kere gerol het.

Die ongeluk het Saterdag omstreeks 18:30 op die hoofpad tussen Okatana en Oshakati gebeur.

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...