Pa se nier bring nuwe hoop

22 December 2016 | Gesondheid
Anneli Erasmus - 'n Nuwe lewe is die grootste geskenk wat Brumilda Kock van Rehoboth ooit by haar pa, Reginald, gekry het. Hy het haar een van sy niere gegee wat op 15 Desember suksesvol in Johannesburg by haar ingeplant is.

“En dit gaan goed met die ontvang­er en die skenker”, het die 11-jarige Brumilda se ma, Bernice, uit Johannesburg laat weet.

“Bernice reageer goed op behandeling en haar liggaam het die nier goed ontvang. Sy beweeg rond, maar sy sal vir die volgende ses weke nog deur spesialste gemonitor word. Maar vir nou is klein Brumilda net dankbaar vir haar vroeë Kersgeskenk.”

Die vreugde en dankbaarheid vir nuwe hoop vir Brumilda word deur die ganse Namibië gedeel wat bygedra het tot die “Love for Brumilda Kock Campaign” wat deur die ­Namibiese kunstenaar, George Longane, en sy vrou, Prudence, begin is om geld in te samel vir die Kocks se stygende mediese koste en die operasie.

Die diagnose van chroniese nierversaking by Brumilda vroeg vanjaar het nie net haar lewe nie, maar die van haar hele gesin verander. Haar ma moes uit haar werk bedank om na Bermulda om te sien wat vieruurliks dialise moes kry. Die lewenslustige Brumilda het met haar skoolloopbaan voortgegaan ondanks die ontwrigting wat dit vir haar ­meegebring het. Sy het selfs goed gevaar op skool en het meestal opgewek gebly.

Hoop op 'n nuwe lewe vir Brumilda het opgevlam toe haar pa as 'n moontlike skenker geïdentifiseer is. Dit het talle toetse en besoeke aan spesialiste in Johannesburg meegebring. 'n ­Teruglsag het gekom toe die ­oorplanting wat in September gedoen sou word, gekanselleer moes word omdat sy infeksie opgedoen het. Dit het al hoe meer begin lyk dat die ­operasie eers in 2017 gedoen sou word.

In Desember het die goeie nuus gekom dat die operasie vir 15 Desember geskeduleer is. Finale toetse is op 12 Desember gedoen wat deurslaggewend was sodat met die operasie voortgegaan kon word.

Nou wink 'n nuwe lewe op die jong­eling in die nuwe jaar.

Soortgelyk

 

Hepatitis E-uitbreking in Omusatistreek

17 ure gelede | Gesondheid

Sedert gister het die Omusatistreek 45 gevalle van Hepatitis E aangeteken, waarvan 10 deur laboratoriumtoetse bevestig is. Die meerderheid van dié gevalle is uit die...

Plaasvoorman skiet glo werker dood

19 ure gelede | Misdaad

Denver Kisting – ’n 65-jarige plaasvoorman verskyn na verwagting vanoggend (Donderdag) in die landdroshof op Mariental op 'n klag van moord.Dít kom nadat hy glo...

RCC: Kontrak met Chinese ongeldig

1 dag gelede | Plaaslik

“Dit is aangegaan sonder die insette of goedkeuring van my as lynminister.” Mnr. John Mutorwa; Minister van Werke en Vervoer

’n Huis vir Helena

1 dag gelede | Gebeure

Maria Eiseb - ’n Skoonmaker en ma van vyf was sprakeloos toe ’n huis in die Greenwell Matongo-woonbuurt in Katutura aan haar oorhandig is.Me....

STEM EN WEN

1 dag gelede | Gebeure

Tot 1 Junie het almal een SMS-stem om die Klein Dorp van die Jaar vir 2018 aan te wys.Kies uit:EenhanaOkahaoOniipaOranjemundDie vier finaliste sal hul dorpe...

Kalender 25 Mei

1 dag gelede | Kuns en vermaak

Nou aan die gang» Die Omba-galery, in samewerking met die John Muafangejo Art Centre (JMAC) bied ’n uitstalling deur voormalige studente en jong kunstenaars aan....

'Moenie NSFAF-geld terugbetaal'

1 dag gelede | Plaaslik

Denver Kisting'n Studente-organi­sasie het gister te velde getrek teen die voorstel dat beurse van die Finansiële Hulpfonds vir Namibiese Studente (NSFAF) in lenings omskep word.Daarnaas...

Weer vir 24 Mei

1 dag gelede | Weer

BINNELAND: Mooiweer en warm tot baie warm in die //Kharasstreek, andersins gedeeltelik bewolk en warm tot baie warm.KUS: Gedeeltelik bewolk en matig met miskolle op...

Where luxury is simple

1 dag gelede | Kuns en vermaak

In life, one will often find the most beautiful gems in the most unexpected places. Spectacularly situated on top of the breathtaking Spreetshoogte Pass...