Pa eis ná dogter haar glo doodbloei
’n Vrou se plasenta is glo nie verwyder ná sy gekraam het nie.
Henriette Lamprecht – ’n Pa van Sesfontein beskuldig die ministerie van gesondheid en maatskaplike dienste (MoHSS) van nalatigheid omdat sy dogter ná haar bevalling glo doodgebloei het.
Mnr. Jan Awiseb, ’n veldwagter verbonde aan die ministerie van omgewing en toerisme, wat op Sesfontein gestasioneer is, eis N$2,7 miljoen se skadevergoeding.
Volgens hofstukke het Awiseb se dogter, me. Leonara Kuku Gawases, op 15 Oktober 2018 by die kliniek op Sesfontein om hulp aangeklop. Sy was nege maande swanger en het van kraampyne gekla.
Aan diens was onder meer ’n verpleër, mnr. Ivan Gamaseb, wat volgens hofstukke op die dag in beheer van pasiënte was.
Volgens Awiseb het Gamaseb geweier om sy dogter te help.
“Die oorledene was sonder enige hulp van Gamaseb of enige van die ander personeel van MoHSS tot sy in kraam gegaan het,” lui die hofstukke.
Gamaseb het glo “teësinnig” begin om Gawases te help, maar sonder die “nodige sorg en vaardighede soos wat sy beroep vereis”.
Gawases het weens die “swak ondersteuning” van Gamaseb omstreeks 23:00 dieselfde dag hewig begin bloei.
Haar plasenta is na wat verneem word nie tydens die kraamproses verwyder nie, wat glo veroorsaak het dat sy doodgebloei het.
Awiseb voer in hofstukke aan Gamaseb en die res van die personeel by die Sesfontein-kliniek het sy dogter nie voldoende ondersoek om enige komplikasies tydens die kraamproses te verhoed nie, terwyl sy ook nie tydens die proses gemonitor is nie.
Sy is glo nie ondersoek ná sy geboorte geskenk het nie, en derhalwe is die plasenta nie verwyder nie.
Volgens Awiseb het mediese personeel sy dogter nie betyds na die Opuwo-distrikhospitaal verwys, wat beter vir mediese ingryping toegerus is nie.
Gawases is later op pad hospitaal toe dood.
Awiseb eis N$2,7 miljoen van die ministerie en N$900 000 vir emosionele skok en trauma, N$500 000 vir “ongerief en ongemak” en N$1,3 miljoen vir huidige en toekomstige uitgawes met betrekking tot sy dogter se minderjarige kinders.
– [email protected]
Mnr. Jan Awiseb, ’n veldwagter verbonde aan die ministerie van omgewing en toerisme, wat op Sesfontein gestasioneer is, eis N$2,7 miljoen se skadevergoeding.
Volgens hofstukke het Awiseb se dogter, me. Leonara Kuku Gawases, op 15 Oktober 2018 by die kliniek op Sesfontein om hulp aangeklop. Sy was nege maande swanger en het van kraampyne gekla.
Aan diens was onder meer ’n verpleër, mnr. Ivan Gamaseb, wat volgens hofstukke op die dag in beheer van pasiënte was.
Volgens Awiseb het Gamaseb geweier om sy dogter te help.
“Die oorledene was sonder enige hulp van Gamaseb of enige van die ander personeel van MoHSS tot sy in kraam gegaan het,” lui die hofstukke.
Gamaseb het glo “teësinnig” begin om Gawases te help, maar sonder die “nodige sorg en vaardighede soos wat sy beroep vereis”.
Gawases het weens die “swak ondersteuning” van Gamaseb omstreeks 23:00 dieselfde dag hewig begin bloei.
Haar plasenta is na wat verneem word nie tydens die kraamproses verwyder nie, wat glo veroorsaak het dat sy doodgebloei het.
Awiseb voer in hofstukke aan Gamaseb en die res van die personeel by die Sesfontein-kliniek het sy dogter nie voldoende ondersoek om enige komplikasies tydens die kraamproses te verhoed nie, terwyl sy ook nie tydens die proses gemonitor is nie.
Sy is glo nie ondersoek ná sy geboorte geskenk het nie, en derhalwe is die plasenta nie verwyder nie.
Volgens Awiseb het mediese personeel sy dogter nie betyds na die Opuwo-distrikhospitaal verwys, wat beter vir mediese ingryping toegerus is nie.
Gawases is later op pad hospitaal toe dood.
Awiseb eis N$2,7 miljoen van die ministerie en N$900 000 vir emosionele skok en trauma, N$500 000 vir “ongerief en ongemak” en N$1,3 miljoen vir huidige en toekomstige uitgawes met betrekking tot sy dogter se minderjarige kinders.
– [email protected]
Kommentaar
Republikein
Geen kommentaar is op hierdie artikel gelaat nie