Pa bly koelkop tydens huisroof

06 January 2020 | Misdaad
Jo-Maré Duddy



'n Koelkop ingesteldheid het verseker dat 'n pa en sy twee kinders Vrydag ongedeerd daarvan afgekom het ná hulle na bewering helder oordag in hul huis in Pionierspark in Windhoek deur drie gewapende mans beroof is.

Mnr. Hendri van Zyl het aan ­Republikein gesê hy was omstreeks 11:25 voor sy rekenaar in die sitkamer werksaam toe die mans, met messe gewapen, deur die oop skuifdeur op die lapa toegang tot die eiendom verkry het.

Die Van Zyls se huis grens aan 'n rivierbedding en die mans het oënskynlik die lemmetjiesdraad geknip en die elektriese heining met stokke opgelig om oor die muur te klim. Die gesin se twee honde het wel geraas, maar volgens Van Zyl blaf hulle gedurig vir die tarentale in die rivier. Hy het dus nie onraad vermoed nie.

Van Zyl sê hy het dadelik sy hande uitgehou en die jong mans verseker hy gaan hom nie teësit nie.

“Dis die enigste ding wat jy kan doen. Help eerder waar jy kan. Ons het versekering, maar jy het net een lewe.”

Die inbrekers het Van Zyl glo vasgebind en hom op sy knieë in die gang af na die kamer gesleep waar sy seun (13) en dogter (6) was. Hulle wou weet waar Van Zyl se geld is, maar hy het verduidelik sy vrou, wat nie tuis was nie, het sy beursie. Daarna het hulle na bewering die huis begin deursoek vir goed wat hulle kon steel.



Lugpistool

Volgens Van Zyl het een van die inbrekers kwaad geraak ná hy op 'n lugpistool (BB gun) afgekom het. Hy het gedink Van Zyl het gejok dat daar nie wapens in die huis was nie. Van Zyl moes toe verduidelik dit is eintlik 'n speelding.

Volgens Van Zyl het die mans nie aggressief teenoor hom of sy kinders opgetree nie, maar kon hy hoor hulle raak toenemend gefrustreed omdat hulle nie genoeg waardevolle besittings kon kry nie.

Nie een van die kinders was aanvank­lik vasgebind nie.

Toe hulle vermoed die inbrekers is weg, het Van Zyl se seun hom begin losmaak. Die mans het die seun betrap en hom vasgebind.



Buurtwag

Later het die dogter haar broer begin losmaak omdat hulle vermoed het die inbrekers was vort. Hulle is opnuut betrap en die inbrekers het gedreig dit is die laaste keer dat hulle die seun gaan vasbind.

Intussen het die seun sy ma geWhats­App. Sy het die buurtwag gekontak. Beide die buurtwag en die stadspolisie was binne vyf minute ná die boodskap op die toneel, sê Van Zyl.

Die inbrekers het reeds spore gemaak.

Die mans was nie vermom nie. Een het goed Afrikaans gepraat, terwyl die ander een Engels magtig was. Die derde man was nie vlot in een van die tale nie. Volgens Van Zyl was een van die mans heeltyd besig op die twee goedkoop selfone in sy besit.

Hy vermoed hulle het met sowat N$45 000 se gereedskap en ware, hoofsaaklik elektronies, weggekom.

Sover hy weet, is niemand nog in verband met die voorval aangekeer nie, sê Van Zyl.

[email protected]

Soortgelyk

 

Te min isolasie, suurstof vir Walvis se episentrum

7 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

7 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

7 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

7 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

7 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

7 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

7 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...

Blik op Erongo se kwarantyn-fasiliteite

7 ure gelede | Gesondheid

Jemima Beukes – ’n Krisis is besig om in die Erongostreek te ontwikkel waar verskeie Covid-19 pasiënte self-isolasie moet toepas in agterplaas-vertrekke, terwyl staatsfasiliteite oorvol...

Lüderitz ’n skatkis van juweeltjies

7 ure gelede | Toerisme

Tanja Bause – Die Covid-19 pandemie en die wêreldwye hoktye en reisbeperkings het veral die toerismebedryf gedwing om buite die boks te dink. Besluitnemers moes...