Outjo Wildsfees sorg vir groot makietie

06 May 2019 | Gebeure
Augetto Graig - Die 16de Outjo Wildsfees is die afgelope naweek met groot sukses aangebied.

Volgens die organiseerder, me. Lizel Scholtz, was meer as 2 000 betalende besoekers Saterdag teen 11:00 reeds deur die hekke. Die fees het Vrydag afgeskop. Die finale getalle was gister teen druktyd nog nie beskikbaar nie.

Scholtz sê sy is baie tevrede oor die geleentheid wat by die lieflike Sophienhof Lodge net buite Outjo gehou is. “Als het verloop soos beplan.”

Vanjaar se fees het met nog meer stalletjies as vantevore gespog, waar van lekker kos en juwele, tot klere en speelgoed verkoop is. Namibia Breweries het gesorg dat die kele nat bly.

Die wildsfees se tentedorpie het uitgebrei van 100 tot 150 tente vanjaar.

Topvermaak is ook aangebied. Van die hoogtepunte was Vrydagaand se optrede deur die Suid-Afrikaanse sanger Snotkop en Jo Black wat Saterdagaand die voete laat jeuk het.

Die wat 'n stiller omgewing verkies, kon in die ‘glastent’ uitspan.

Die skaapkopdis het op talle 'n impak gemaak, soos mnr. Rob Beamish van Kaapstad wat vir die vyfde jaar die fees besoek.

Nog 'n hoogtepunt was die wildveiling wat Du Preez Wild Saterdag gehou het.

Die wild- en stoetafslaer mnr. Henno Badenhorst van Agra sê ondanks moeilike ekonomiese tye glo die onderneming in toewyding tot dienslewering. “Ons staan by die bedryf in moelike tye, al gaan dit maar swaar. Niemand het gras of geld nie en boere koop liewer voer as diere,” sê hy.

Nietemin was wild ter waarde van ongeveer N$1 miljoen verkoop, alhoewel die renosters nie nuwe eienaars kon vind nie. Mnr. Dirk du Preez glo wel beter tye sal kom. “Sou dit reën, dink ek sal ons baie makliker te werk gaan, maar ons hou nog die veiling om die boere te ondersteun,” sê hy.

Maak sommer nou al planne om nie volgende jaar se Outjo Wildsfees mis te loop nie.

Soortgelyk

 

Duisende registreer vir e-taks

8 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

8 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

8 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

8 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

8 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Unam werp lig op kragonderbreking

8 ure gelede | Onderwys

Denver Kisting – Die Universiteit van Namibië (Unam) het gister by monde van sy woordvoerder, mnr. Johannes Haufiku, ontken die instelling se kragtoevoer is weens...

Miljarde nodig vir watersekuriteit

8 ure gelede | Ministeries

Elvira HattinghDie plaaslike watersektor moet in die volgende vyf jaar 'n begrotingsgaping van sowat N$11,7 miljard oorbrug om enkele mikpunte vir waterverskaffing en sanitasiediente te...

Kersfees en kuns in Julie

8 ure gelede | Kuns en vermaak

As jy lus is vir feestelikheid in Julie, maak gerus ’n draai by die Omba-galery in Talstraat waar die ’Ikhoba Textiles Farm Project sy 17de...

Mrs J maak ’n Windhoekse draai

8 ure gelede | Kuns en vermaak

Binnekort besoek die bekende Theresa Sedras, beter bekend as Mrs J van Suidooster, die land van die dapperes. Gospel Care Ministry bied in Augustus ’n...