Outjo bou vir erfenis

Legacy Centre begin verrys

21 July 2020 | Infrastruktuur
Die mense van Outjo bou ’n erfenis vir hul toekomstige geslag, met baksteen en sweet en hul eie tyd en inisiatief. Die droom van Outjo se Legacy Centre word dag ná dag, steen ná steen en met persoonlike moeite nader aan die werklikheid gedwing.

Die Legacy Centre sal bestaan uit ’n kliniek, ’n polisie-subkantoor, ’n mobiele munisipale kantoor, ’n biblioteek en ’n studiesaal vir die inwoners van verskillende informele nedersettings by Outjo, volgens mnr. Audrey “Bokkas” Mazenge, woordvoerder by die Outjo-munisipaliteit.

Die sentrum word by die “Sestag” informele nedersetting in Outjo gebou.

Volgens hom sal inwoners baat uit die Legacy Centre wat dienste nader aan hulle sal bring. Die bouwerk aan die sentrum het in die eerste week van Junie afgeskop en sowat twintig vrywilligers is daarby betrokke. “Niemand is in diens geneem vir die projek nie, aangesien almal op die bouspan vrywilligers is,” sê Mazenge. “Enige iemand van die gemeenskap is welkom om te help as hulle daarvoor tyd het,” voeg hy by.

Mnr. George Gaeseb is die voorman op die bouperseel. Hy sê: “Ons is gretig om te kom help. Ons het weens die Covid-19 nie nou werk nie en wou nie ledig lê nie.”

Sy maatskappy Kunene Landberg Investments is deur die uitbreking van die pandemie lamgelê. “Hierdie projek is vir dié van ons wat kan gee, en vir die kinders, tot ons eie mense se voordeel,” sê hy.

Die presiese koste van die sentrum is nie bekend nie, aangesien individue en ondernemings boumateriaal vir die projek geskenk het. Die plaaslike elektrisiteitsverskaffer Cenored het reeds die kragkoppeling in die sentrum geïnstalleer, terwyl Telecom Namibia internetverbindingslyne opstel.

Outjo het ses informele nedersettings: 7de Laan, Soweto, Sestag, Hangano, Kamp 5, asook Kap en Bou. Meer as 3 000 inwoners woon in die informele nedersettings.

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...