Ouers op oorlogspad

Woede heers oor skoleplasings

11 January 2019 | Onderwys
Ileni Nandjato



Sommige ouers het hul misnoeë te kenne gegee oor die hersiende hoërskoolleerplan wat te weeg bring dat leerlinge ver van die huis geplaas word sodat hulle graad 10 kan voltooi.

Dít kom nadat graad 10 kragtens die nuwe leerplan nie voortaan meer by gemeenskapskole onderrig word nie.

Die ouers is van mening dié wending maak dit vir hulle baie moeilik.

Die ministerie van onderwys, kuns en kultuur het verlede jaar die ­eksterne graad 10-eksamens afgeskaf. Van vanjaar af lê graad 9-leerlinge 'n semi-eksterne eksamen af.

Graad 10 vorm voortaan deel van die senior sekondêre fase.

Ingevolge die nuwe regime word hoër­skoolonderrig in drie fases verdeel – junior sekondêr (graad 8 en 9), senior sekondêr (graad 10 en 11) en die gevorderde fase, wat uit graad 12 bestaan.

Dít bring mee dat meer as 100 junior sekondêre skole in Namibië in senior sekondêre skole omskep sal word.

Sommige gekombineerde skole, wat tot dusver leerlinge tot graad 10 gehuisves het, sal voortaan net tot graad 9 voorsiening maak, terwyl sommige skole nie meer graad 8 en 9 gaan ­onderrig nie.

Mnr. Eino Shonena se dogter het verlede jaar graad 9 aan die ­Gekombineerde Skool Oikango in die Oshanastreek voltooi en is sedertdien by die Junior Sekondêre Skool Ongwediva toegelaat.

Volgens Shonena beskik die nuwe skool nie oor 'n koshuis nie en is ­ongeveer 15 km van hul huis geleë.

“Ek verstaan glad nie hierdie ­situasie nie. My kind kon in die verlede skool toe stap, en nou weet ek nie hoe sy by die skool sal uitkom nie. Die afstand van die huis na die hoofpad is klaar lank. Boonop gaan dit ook vir my 'n uitdaging wees om daagliks taxigeld te hê,” het hy gesê.

“My kind is baie klein en ek ken niemand wat naby die skool woon nie. Dit (die situasie) het my bloeddruk laat styg.”



'die stelsel frustreer ons'

Mnr. Gideon Sheepo sê sy kind het by die Senior Sekondêre Skool Gabriel Taapopi aansoek gedoen, maar is egter net by die Junior Sekondêre Skool Kapolo aanvaar.

“Ek weet nie eens waar daardie skool is nie. Hoe sal ek my kind daar kry? Ek dink nie die regering weet wat hy doen nie. Die stelsel frustreer ons.”

Me. Hileni Amukana, die direkteur van onderwys in die Oshanastreek, het by navraag gesê nie alle landelike skole met graad 10 is aangepas tot senior sekondêre vlak nie.

“Wat ons gedoen het, is om skole in die omgewing saam te groepeer sodat die afstande wat leerlinge aflê, verminder kon word. Ons het vroegtydig die leerlinge en ouers oor die reëling ingelig sodat hulle 'n skool naby hulle huis kon kies wanneer hulle aansoek doen.

“Ongelukkig het baie leerlinge net by skole met koshuise aansoek gedoen. As 'n streek moes ons self daardie leerlinge plaas en dit is wat tot die situasie aanleiding gegee het.”

Amukana het ongelukkige kinders en ouers aangeraai om met skoolhoofde te skakel om vas te stel of daar nog plek beskikbaar is by die skole van hul keuse.

Soortgelyk

 

‘Burger in rou’ bepleit genesing

7 ure gelede | Kuns en vermaak

Ronelle Rademeyer - ‘n Optog vind vanaand (Dinsdag) vanaf die Goethe Instituut se kultuursentrum na die Alte Feste-museum plaas waar ‘n gedramatiseerde visuele uitbeelding van...

Windhoek se waterverbruik bly té hoog

8 ure gelede | Omgewing

Windhoekers het die afgelope week 7% méér water gebruik as wat toelaatbaar tydens droogtetye is en kon weereens nie die vereiste teiken van 10% besparings...

Brexit: Uitstel bied uitvoerders blaaskans

18 ure gelede | Ministeries

Ronelle Rademeyer - Die moontlike negatiewe impak wat ‘n haakplek in die onderhandelinge vir ‘n nuwe handelsooreenkoms met Brittanje op uitvoerders kon hê, is deur...

Erindi: Chinese het nié aanbod gemaak

18 ure gelede | Ministeries

Elvira Hattingh - Die eienaars van die Erindi Private Wildreservaat het nie ‘n koopaanbod van enige Chinese burgers ontvang nie. Mnr. Sisa Namandje, Erindi se...

Geen laatregistrasie vir nasionale eksamens

18 ure gelede | Ministeries

Henriette Lamprecht - Geen laatregistrasie sal ná spertye gedoen word vir deeltydse studente vir die Junior Sekondêre Sertifikaat (graad 10) of voltydse sowel as deeltydse...

Leeujagters geskiet

18 ure gelede | Omgewing

Ileni Nandjato – Die Namibiese polisie in die Oshanastreek het ‘n saak van poging tot moord geopen ná me. Amalia Sheya (51), ‘n werknemer van...

Weer vir 26 Maart

18 ure gelede | Weer

BINNELAND: Gedeeltelik bewolk en baie tot bloedig warm in die Suide en die Zambezistreek, andersins gedeeltelik bewolk en baie tot bloedig warm met geïsoleerde donderbuie...

Kriminalisering van aborsie 'werk nie'

18 ure gelede | Regering

Henriette LamprechtDie hoë siekte- en sterftesyfer verwant aan onveilige, onwettige aborsies bewys die kriminalisering van aborsie keer onwettige aborsies nie werklik nie.“Hoewel dit wyd erken...

N$210 miljoen vir registrasiepersoneel

18 ure gelede | Regering

Denver KistingMnr. Theo Mujoro, die Verkiesingskommissie van Namibië (ECN) se uitvoerende hoof, sê die N$67 miljoen wat aan hulle toegeken is, is nie voldoende om...