Oudspeler van Ghana rig Tura af

12 September 2018 | Sport
Die Windhoekse sokkerklub Tura Magic het gister die aanstelling van Mohammed Gargo as hoofafrigter van sy manspan aangekondig.

Hy vervang James Britz wat aan die einde van die 2017-2018 seisoen bedank het.

Die 43-jarige Gargo, wat 20 wedstryde as ’n verdediger vir Ghana se nasionale Black Stars gespeel het, is glo by Maandagaand se oefening aan die spelers bekend gestel.

Die span het begin oefen ter voorbereiding op die 2018-2019 seisoen van die MTC Namibiese Premierliga (NPL) wat na verwagting in die eerste week van Oktober sal afskop.

Die nuwe afrigter het tien jaar ondervinding as afrigter van klubs in sy geboorteland Ghana. Voordat hy in 2009 tot afrigting toegetree het, was hy ook ’n beroepspeler by verskeie klubs in Ghana en in Europa.

Hy was een seisoen by AC Torino in Italië en ook kortstondig by Borussia Dortmund en Bayern München in Duitsland, asook Stoke City in Engeland, voordat hy vir langer ’n tuiste by die Italiaanse klubs Udinese Calcio en Genop gevind het.

Sy wedstryde vir Ghana tussen 1992 en 2001 het ’n verskyning by die 1992 Olimpiese Spele in Barcelona ingesluit, waar die Black Stars die bronsmedalje behaal het.

Tura Magic se klubvoorsitter, Peter Nakurua, het Gargo met sy aanstelling gelukgewens en voorspoed met hul voorbereiding en deelname aan die NPL-seisoen toegewens.

Volgens Nakurua sal die klub binnekort aankondigings oor meer aanwinste en vrystelling van spelers doen sodra die voorseisoen afgehandel is.

Soortgelyk

 

Hepatitis E woed landswyd voort

2 dae gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

2 dae gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

2 dae gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

2 dae gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

2 dae gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

2 dae gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

2 dae gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

2 dae gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

2 dae gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...