Oudpolisieman kry 32 jaar vir moord

Beskuldigde 'versaak edele plig'

20 March 2017 | Howe
Jacqueline Louw - In haar uitspraak Vrydag in Windhoek se hoërhof het regter Dinnah Usiku gesê die grusame manier waarop Willem Saul (40) sy vrou vermoor het, weeg veel swaarder in die oorweging van sy vonnis as sy relatiewe jong ouderdom.

Sy het hom daarna tot 32 jaar gevangenisstraf gevonnis.

Dié voormalige konstabel het sy vrou, mev. Ingenesia Saul (37), op 7 September 2015 wreed met 'n byl in die Epako-woonbuurt op Gobabis doodgekap.

Saul en die oorledene het baklei nadat hy 'n romantiese SMS op haar selfoon gevind het.

Dit het hom laat vermoed sy was in 'n verhouding met 'n ander man betrokke.

Saul het op 8 Februarie vanjaar skuldig gepleit op 'n klag van moord teen hom en is skuldig bevind.

Regter Usiku het in haar uitspraak genoem die hof moet verseker dat geregtigheid geskied en die publiek beskerm.

Die oorledene se moeder, mev. Garises, het gedurende betoë voor die hof vir verswarende omstandighede vir die vonnisoplegging getuig dat haar dogter en Saul vier kinders het en dat hulle dikwels gestry het.

Sy het Ingenesia egter aangeraai om vas te byt omdat sy 'n vrou is.

“Ons howe moet té dikwels konflik wat binne gesinsverhoudinge ontstaan en met geweld opgelos word, hanteer,” het Usiku gesê.

Sy het verder gesê: “Dit is hoog tyd dat 'n duidelike boodskap aan diegene wat hulself aan soortgelyke misdade skuldig maak, uitgestuur word dat howe hulle sal hanteer om die regte van slagoffers te beskerm.”

Usiku het ook in haar uitspraak gesê die erns van die saak spreek vanself en dat die beskuldigde, wat as polisieoffisier 'n plig gehad het om misdaad te beveg, “hierdie edele plig versaak het”.

“Ons howe sal nie 'n Namibië duld waar die polisie die wet kan verbreek en ongestraf bly nie,” het sy voorts gesê.

Saul is deur mnr. Titus Ipumbu verteenwoordig en staatsadvokaat Marthino Olivier het namens die staat opgetree.

Soortgelyk

 

Theo Mujoro is nuwe hoof van verkiesings

17 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

18 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

19 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

19 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...