Oudonnie voor oor verkragting

15 January 2020 | Howe
Denver Kisting – Die Rehoboth-gemeenskap is die afgelope dae tot in sy fondamente geskud met die nuus oor ’n geliefde oudonderwyser wat weens verkragting aangekeer is.

Die 70-jarige man, op sy dag ’n kranige sokkerspeler en netbalafrigter, is die afgelope naweek op die dorp in hegtenis geneem.

AO Immanuel Iiduwa, ’n polisiewoordvoerder, het Maandag die inhegtenisneming bevestig.

Die man se identiteit is aan Republikein bekend, maar omdat sy vermeende slagoffer ’n familielid is, weerhou die koerant sy identiteit.

Volgens hom het die man, wat steeds aanvullende klasse tuis aanbied, glo tussen Januarie 2015 en Januarie vanjaar sy eie agtjarige dogtertjie verkrag.

Die beweerde voorvalle het volgens Iiduwa in die dorp se Blok B-woonbuurt plaasgevind.

“Die 70-jarige man het sy agtjarige dogter gemolesteer,” sê die woordvoerder.

Adj.komm. Kauna Shikwambi, bevelvoerder van die polisie se skakelafdeling, het gister by navraag gesê in dié stadium bestaan geen rekords dat die beweerde voorvalle vantevore by die polisie aangemeld is nie.

Op ’n vraag oor of die polisie ander sake teen die man ondersoek en, indien wel, na watter tydperk die polisie kyk, het Shikwambi gesê: “Dit moet nog bevestig word.”

’n Rehoboth-inwoner het die afgelope week gesê: “Hy was my onderwyser en het daardie neigings gehad toe ek ’n kind was. Het van dit (die inhegtenisneming) gehoor, maar nie geweet dis hy nie. Hoe kan hy sy kinders, veral vir (naam weerhou), so in die skande steek?”

’n Ander oudleerling het by navraag ’n soortgelyke bewering gemaak.

Nog ’n Rehoboth-inwoner het gesê: “So, hy is ’n ou jakkals. Maar hoe doen jy dit aan jou eie bloedkind?”

Intussen het ’n familielid in die sosiale media beweer die man het ook háár lewe probeer verwoes.

Volgens ’n plasing op Facebook was dié poging(s) nie suksesvol nie.

“En toe gaan hy vir plan B na sy eie bloedkind.”

Sy sê ’n ander familielid het haar nie destyds geglo nie en was blind vir dít wat na bewering aan die agtjarige meisietjie gedoen is.

“En uiteindelik het sy dag aangebreek. Hy is in die tronk.”

Dié vrou onthul ook die beskuldigde se identiteit in die plasing.

Republikein het op Facebook na haar uitgereik. Sy het teen druktyd nog nie gereageer nie.

Die man het Maandag op aanklag van verkragting in die Rehoboth-landdroshof verskyn.

Sy saak is tot vandag vir ’n aansoek om borgtog uitgestel.

Hy is sedert sy inhegtenisneming in aanhouding.

[email protected]

Soortgelyk

 

Etosha Sondagmiddag deur aardbewing geskud

6 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

6 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

7 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

7 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

8 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

19 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

19 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

19 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

19 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...