Oudonnie van Rehoboth sê sy hande is skoon

Staat beweer sterk saak

16 January 2020 | Misdaad
Denver Kisting – “Dan sal ek hom doodmaak.”

Só het ’n jong vrou gister op Rehoboth vertel oor wat sy sal doen indien die hof ’n bejaarde oudonderwyser uiteindelik onskuldig bevind.

Dié 69-jarige man is die afgelope naweek op dié dorp op aanklag van verkragting aangekeer.

Die agtjarige vermeende slagoffer is die man en sy vrou se kind.

Die inhegtenisneming het die Rehoboth-gemeenskap die afgelope dae tot in sy fondament geskud.

Gister tydens ’n besoek van Republikein by die huis waar die beweerde gruweldade plaasgevind het, het die jong vrou vertel die man het haar glo ook destyds probeer molesteer, “maar ek het terugbaklei”.

Dié jong vrou is ’n familielid van die oudonderwyser en die gr. 3-meisie.

Tydens ’n kerktoer verlede jaar aan die dorpie waar die jong vrou deesdae woon, het sy by die meisie aangedoen.

Die meisie het toe vir haar gesê haar ouers kry gereeld rusie.

Toe sy haar vra waaroor die onmin handel, het die meisietjie glo gesê: “Hulle stry oor my koekie,” het sy gister aan Republikein vertel.

Sy het dit toe met die meisie se ma gedeel.

Die jong vrou het gister ’n handgeskrewe nota van die meisie se ma met die koerant gedeel. Dit lui: “Toe ek eendag vir hom sê hy kan mos vir [naam weerhou] geld wegsit. Toe sê hy vir: ‘Dis mos ’n kind wat jy wou gehad het. Jy moet vir haar sorg as ek dood is.’ Toe sê ek vir hom: ‘O, is dit daarom wat jy haar wil vernietig? Mag God jou vergewe vir wat jy kwytgeraak het. . .’”

Voor die man gister sy tweede verskyning in die landdroshof op Rehoboth gemaak het, het hy gesê sy hande is skoon. “Ek is nie daai tipe mens nie.”

Hy beweer hy het haar nooit onsedelik aangerand nie.

Volgens hom is die bewerings van seksuele molestering ’n versinsel deur die jong vrou.

Hy sê sy het tot in haar gr. 10-jaar by hom en sy vrou gewoon en nadat hulle rusie gekry het oor haar skoolprestasie, het sy die huis verlaat.

Die man het gesê hy ly aan diabetes en hoë bloeddruk.

Volgens hom hoop sekere familielede die hofsaak veroorsaak sy dood sodat hulle beslag kan lê op sy eiendomme en voertuie.

Die jong vrou en ’n ouer suster het dít ontken.

Tydens gister se hofverskyning het die staatsaanklaer, me. Hillia Munzenze, gesê die staat is gekant teen borgtog weens die openbare belang en die impak op die administrasie van geregtigheid.

Volgens haar het die staat ’n sterk saak teen die oudonderwyser.

Munzenze het ook gesê die man en sy vrou is binne gemeenskap van goedere getroud.

Gevolglik sal hy geregtig weens om terug te keer na die huis waar die beweerde molestering plaasgevind het.

Sy het voorts gesê die beweerde voorvalle het skokgolwe deur die gemeenskap gestuur.

Om borgtog twee dae ná die man se eerste hofverskyning toe te staan, sal die gemeenskap verder ontstel, het Munzenze gesê.

Mnr. Christopher Stanley, die man se prokureur, was geskok om te verneem die staat het sedert die man se eerste hofverskyning Maandag sy deuntjie verander.

In daardie stadium het die klagstaat gelui dat daar geen penetrasie was nie.

Die staat het gister die klag gewysig en beweer daar was wel penetrasie.

Die staat en die verdediging het vir me. Kandiwapa Nangombe, die landdros, ingelig hulle sal skriftelike hofstukke liasseer om die formele aansoek om borgtog te bespoedig.

Stanley het gesê sy kliënt word reeds in die gemeenskap gekasty sonder ’n behoorlike polisieondersoek.

Volgens hom is vorige klagte in 2017 deur dieselfde jong vrou van stapel gestuur. Die klagte is later laat vaar nadat dié vrou nie ’n beëdigde verklaring afgelê het of vir enige van die hofverrigtinge opgedaag het nie.

Sy het egter die afgelope week by die Rehoboth-polisiestasie ’n verklaring afgelê.

Stanley het ook gesê hulle is in die duister oor die staat se bewerings teen sy kliënt en kan derhalwe nie voldoende voorberei nie.

Nangombe het die verrigtinge tot vanmiddag vir die formele aansoek om borgtog verdaag.

- [email protected]

Soortgelyk

 

Covid-19-gevalle styg met 96 tot 1 618

15 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

21 ure gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...