Oudminister uit op N$20 000 se borgtog

Medebeskuldigde sit

23 May 2019 | Howe
Denver Kisting – Die beweerde bedrog waarby die oudadjunkminister van grondhervorming, mnr. Theo Diergaardt, betrek word, het glo reeds in 2013 plaasgevind.

Diergaardt (48), ’n inwoner van Rehoboth, en die 49-jarige mnr. Johannes Willem Petrus Cloete is die afgelope week aangekeer.

Sy adres word as ’n plaas in die Maltahöhe-omgewing op die klagstaat aangedui.

Cloete is Maandag in hegtenis geneem, terwyl Diergaardt Dinsdag vasgetrek is.

Die tweetal het Dinsdag vlugtig voor landdros Linus Samunzala in die Windhoek-landdroshof verskyn.

Cloete staan tereg op twee klagte van bedrog en een van vervalsing. ’n Klag van bedrog staar Diergaardt in die gesig.

Tydens Dinsdag se hofverskyning het mnr. Tatelo Lusepani namens die staat aangekla.

Volgens die klagstaat het Cloete in 2013 teenoor twee klaers, me. Martha zu Bentheim en mnr. Ronald zu Bentheim, en teenoor beamptes van die aktekantoor voorgegee dat hy gemagtig is om eiendom wat op erf 645 in Bismarkstraat geleë is van die hand te sit.

Die klaers het op dié valse voorwendsel dat Cloete die magtiging het om die eiendom te verkoop, gesteun en dienooreenkomstig gehandel, lui die klagstaat.

Hiernaas het Cloete glo ook vir mnr. Horst Landstatz onder die wanindruk gebring dat hy die eienaar is van twee woonstelle in Zanzibar Court in Otjomuise aan die buitewyke van die hoofstad.

Landsatz het 290 beeste ter waarde van meer as N$1,1 miljoen vir die eiendom opgedok.

Die staat voer aan Diergaardt en Cloete was kop in een mus.

Mnr. Milton Engelbrecht het namens Cloete kapsie gemaak teen borgtog van N$50 000.

Cloete kan glo nie in dié stadium daardie bedrag bekostig nie. Engelbrecht het gister bevestig hulle sal die hof eersdaags nader om aansoek om ’n verlaging te doen.

Cloete is steeds agter tralies.

Mnr. Boris Isaacks, Diergaardt se prokureur, het aan die hof gesê sy kliënt is in staat om sy borgtog van N$20 000 te betaal.

Diergaardt is dieselfde dag vrygelaat nadat hy die geld inbetaal het.

Die saak is tot 8 Augustus vir verdere polisieondersoek uitgestel.

Soortgelyk

 

Kawana gee besonderhede oor viskwotas

3 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

15 ure gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

15 ure gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

15 ure gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

15 ure gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

15 ure gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

15 ure gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

15 ure gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

15 ure gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...