'Ou' medisyne glo by tronk uitgedeel

09 March 2018 | Ministeries
Henriette Lamprecht - Die ministerie van gesondheid en maatskaplike dienste moet binne 30 dae ’n onafhanklike forensiese oudit van stapel stuur om alle farmaseutiese produkte waarvan die vervaldatum verstryk het, te ondersoek en te vernietig.

Dié versoek vorm deel van ’n aansoek in die hoërhof deur ’n gevangene wat beweer medisyne wat reeds verval het, is by meer as een geleentheid aan hom uitgereik.

Moses Opio (41), ’n gevangene by die Everistus Shikongo-gevangenis by Tsumeb, wil ook ’n siviele eis vir skadevergoeding teen die ministerie van gesondheid en maatskaplike dienste instel vir die skending van verskeie van sy basiese menseregte.

Opio vra voorts die hof om die ministerie van veiligheid en sekuriteit opdrag te gee om dringend meer verpleegpersoneel in diens te neem sodat gesondheidsdienste kan uitbrei en behoorlik en betyds verskaf kan word.

Deel van die aansoek sluit ook in ’n opdrag aan die Windhoek Sentrale Gevangenis om Opio betyds by die hospitaal te besorg, om ’n afskrif van sy gesondheidspaspoort aan hom te oorhandig, sowel as om “onvoorwaardelike” toegang aan alle gevangenes tot die tronk se kliniek, ingesluit naweke en “sonder verskonings” te bied.

Opio sê in hofstukke hy het op 6 September verlede jaar by die staatshospitaal op Tsumeb medikasie vir hoë bloeddruk (Amiloride) ontvang wat reeds in Maart dieselfde jaar verval het. Dit was ook die geval met Bio Atenolol, wat in Augustus 2017 verval het.

Op 19 Januarie vanjaar is medikasie glo aan hom uitgereik wat in Maart 2016 verval het en geen lotnommer gehad het nie. Volgens Opio se verklaring is die weglating van die lotnommer met betrekking tot mediese en regsaspekte ’n oortreding en gelykstaande aan regsverydeling.

Opio sê voorts hy is op 26 Januarie in die Katutura-staatshospitaal vir tandheelkundige prosedures opgeneem. Hy het egter eers drie dae later die voorgeskrewe medikasie ontvang, en die pyn en angs wat hy sonder medikasie moes verduur, was volgens hom gelykstaande aan marteling.

Sy verklaring sê voorts dié betrokke medikasie sou binne twee dae verval.

Volgens Opio is dit nie net hy aan wie ou medisyne voorgeskryf is nie, met die gevolg dat “ander kosbare lewens” ook hierdeur geraak is omdat die staat nie net een dosis vir een pasiënt bestel nie.

Hy verwys in sy verklaring voorts na mediese personeel in die Hardap-gevangenis wat glo begin het om die vervaldatums van medikasie “af te knip”.

Aangeheg by die verklaring is bewyse van medikasie wat aan twee mense in Januarie vanjaar uitgereik is, maar wat reeds in April 2016 verval het.

Een van die mense wat die medikasie geneem het, was volgens Opio die dag ná hy die medikasie geneem het “baie siek” en kon glo ook nie die oggend “wakker word” nie.

Soortgelyk

 

Man sterf op Walvisbaai-Swakopmund-pad

2 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

2 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

3 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

4 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

5 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

15 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

15 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

15 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

15 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...