Ou beursbeleid finansier 'enige' student
Omstrede mediese studente is op eie koste na die buiteland om by universiteite te studeer wat nie geakkrediteer is nie.
Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde hê nie, hoe hard jy ook al probeer.
“As jy nie wiskunde, wetenskap of biologie het, wat kritieke bestanddele vir medies en ingenieurswese is nie, kan jy nie die resep maak nie. Jy kan dit eenvoudig net nie word nie.”
Die adjunkminister van hoër onderwys, opleiding en vernuwing, dr. Becky Ndjoze-Ojo, het in die Nasionale Vergadering (NV) gereageer op 'n vraag van die Popular Democratic Movement (PDM) oor die groep studente van Oekraïne, Rusland en China wie se kwalifikasies nie met hul terugkeer na Namibië in die land erken word nie.
Volgens Ndjoze-Ojo het die ministerie die groep studente nie soontoe gestuur of ooreenkomste met die betrokke universiteite en lande aangegaan nie.
“Die studente het self die aanvanklike fooie betaal tot hulle dit nie meer kon bekostig nie. Hulle was gestrand en het toe by die Finansiële Hulpfonds vir Namibiese Studente (NSFAF) vir finansiering aansoek gedoen,” het sy gesê.
Volgens die minister was die NSFAF se beleid in 2014 dat enige student gefinansier word, wat toelating by enige universiteit het met welke punte ook al.
In dié geval is 153 studente in Oekraïene, 97 in China en 45 in Rusland gefinansier.
Dié studente het nie aan die minimumvereiste van 35 punte in vyf vakke in graad 12 voldoen nie, terwyl die universiteite ook nie deur die ministerie gekeur of deur die Namibiese Kwalifikasieowerheid (NQA) geakkrediteer is nie.
Die NSFAF het die afgelope vyf jaar finansiële ondersteuning aan 453 studente in die buiteland verleen, wat in 'n mediese en tandheelkundige rigting studeer.
In 2014 is 313 studente se beurse volgens die NSFAF se ou beleid toegeken. Met die vernuwing van die beleid in dieselfde jaar is slegs 27 studente in 2015 gefinansier.
“Al dié studente, ook diegene wat voor 2014 beurse ontvang het en in 2014 op die NSFAF se databasis was, het 617 in totaal behels. NSFAF se totale koste vir mediese studente was N$43,5 miljoen, en vir die 34 tandheelkundige studente N$1,2 miljoen.”
Volgens Ndjoze-Ojo het 199 studente volgens die NSFAF-databasis hul studies in die betrokke rigtings voltooi.
Sestien van dié studente is tans met nagraadse studies besig.
Ndjoze-Ojo kon nie sê hoeveel studente uit die totale groep wat hul studies wel voltooi het, tans in Namibië werksaam is nie.
Studente wat in 2011-'12 en tussen 2012 en 2014 oorsee is om te gaan studeer, is op hul eie koste na die buiteland en het by universiteite gestudeer wat nie by die NQA geakkrediteer is nie en ook nie deur die ministerie goedgekeur is nie.
Die NSFAF in sy huidige vorm as semistaatsinstelling het in 2013 eers werksaam geraak.
“Die studente het op hul eie aansoek gedoen by instellings wat nie deur die NQA geakrediteer is nie, en is na verskeie lande om op hul eie onkoste te gaan studeer. Nie een van hierdie studente is deur die NSFAF gestuur nie,” het Ndjoze-Ojo gesê.
Die meeste van die studente het in Oekraïne, China en Rusland gaan studeer en is wel deur die NSFAF in 2014 gefinansier toe die instelling se toekenningsbeleid bepaal het enigeen wat by 'n universiteit toegelaat is, word gefinansier.
Die enigste vereiste was dat die student 'n toelatingsbrief moes hê.
Volgens die minister is streng vereistes vir finansiering in dieselfde jaar ingestel, wat bepaal het slegs studente met 35 punte en meer in vyf vakke in graad 12 sal gefinansier word.
Volgens die minister was dit egter “te laat” omdat die meeste studente wat gefinansier is nie aan die nuwe vereistes voldoen het nie.
“Hulle is reeds gefinansier en gradueer nou van nie-geakkrediteerde instellings met kwalifikasies wat nie erken word nie,” het sy gesê.
Wat studente met beurse by instellings in onder meer Oekraïne, Rusland en China betref, het sy gesê dié lande het die aansoekproses self hanteer.
Die NSFAF was slegs vir sakgeld en studente se vlugte verantwoordelik.
“As jy nie wiskunde, wetenskap of biologie het, wat kritieke bestanddele vir medies en ingenieurswese is nie, kan jy nie die resep maak nie. Jy kan dit eenvoudig net nie word nie.”
Die adjunkminister van hoër onderwys, opleiding en vernuwing, dr. Becky Ndjoze-Ojo, het in die Nasionale Vergadering (NV) gereageer op 'n vraag van die Popular Democratic Movement (PDM) oor die groep studente van Oekraïne, Rusland en China wie se kwalifikasies nie met hul terugkeer na Namibië in die land erken word nie.
Volgens Ndjoze-Ojo het die ministerie die groep studente nie soontoe gestuur of ooreenkomste met die betrokke universiteite en lande aangegaan nie.
“Die studente het self die aanvanklike fooie betaal tot hulle dit nie meer kon bekostig nie. Hulle was gestrand en het toe by die Finansiële Hulpfonds vir Namibiese Studente (NSFAF) vir finansiering aansoek gedoen,” het sy gesê.
Volgens die minister was die NSFAF se beleid in 2014 dat enige student gefinansier word, wat toelating by enige universiteit het met welke punte ook al.
In dié geval is 153 studente in Oekraïene, 97 in China en 45 in Rusland gefinansier.
Dié studente het nie aan die minimumvereiste van 35 punte in vyf vakke in graad 12 voldoen nie, terwyl die universiteite ook nie deur die ministerie gekeur of deur die Namibiese Kwalifikasieowerheid (NQA) geakkrediteer is nie.
Die NSFAF het die afgelope vyf jaar finansiële ondersteuning aan 453 studente in die buiteland verleen, wat in 'n mediese en tandheelkundige rigting studeer.
In 2014 is 313 studente se beurse volgens die NSFAF se ou beleid toegeken. Met die vernuwing van die beleid in dieselfde jaar is slegs 27 studente in 2015 gefinansier.
“Al dié studente, ook diegene wat voor 2014 beurse ontvang het en in 2014 op die NSFAF se databasis was, het 617 in totaal behels. NSFAF se totale koste vir mediese studente was N$43,5 miljoen, en vir die 34 tandheelkundige studente N$1,2 miljoen.”
Volgens Ndjoze-Ojo het 199 studente volgens die NSFAF-databasis hul studies in die betrokke rigtings voltooi.
Sestien van dié studente is tans met nagraadse studies besig.
Ndjoze-Ojo kon nie sê hoeveel studente uit die totale groep wat hul studies wel voltooi het, tans in Namibië werksaam is nie.
Studente wat in 2011-'12 en tussen 2012 en 2014 oorsee is om te gaan studeer, is op hul eie koste na die buiteland en het by universiteite gestudeer wat nie by die NQA geakkrediteer is nie en ook nie deur die ministerie goedgekeur is nie.
Die NSFAF in sy huidige vorm as semistaatsinstelling het in 2013 eers werksaam geraak.
“Die studente het op hul eie aansoek gedoen by instellings wat nie deur die NQA geakrediteer is nie, en is na verskeie lande om op hul eie onkoste te gaan studeer. Nie een van hierdie studente is deur die NSFAF gestuur nie,” het Ndjoze-Ojo gesê.
Die meeste van die studente het in Oekraïne, China en Rusland gaan studeer en is wel deur die NSFAF in 2014 gefinansier toe die instelling se toekenningsbeleid bepaal het enigeen wat by 'n universiteit toegelaat is, word gefinansier.
Die enigste vereiste was dat die student 'n toelatingsbrief moes hê.
Volgens die minister is streng vereistes vir finansiering in dieselfde jaar ingestel, wat bepaal het slegs studente met 35 punte en meer in vyf vakke in graad 12 sal gefinansier word.
Volgens die minister was dit egter “te laat” omdat die meeste studente wat gefinansier is nie aan die nuwe vereistes voldoen het nie.
“Hulle is reeds gefinansier en gradueer nou van nie-geakkrediteerde instellings met kwalifikasies wat nie erken word nie,” het sy gesê.
Wat studente met beurse by instellings in onder meer Oekraïne, Rusland en China betref, het sy gesê dié lande het die aansoekproses self hanteer.
Die NSFAF was slegs vir sakgeld en studente se vlugte verantwoordelik.
Kommentaar
Republikein
Geen kommentaar is op hierdie artikel gelaat nie