Otjiwarongo-vrou van bedrog aangekla

ACC trek munisipale amptenaar vas

05 July 2019 | Howe
‘n Administratiewe toesighouer by die Otjiwarongo-munisipaliteit het Maandag op klagte van bedrog in die landdroshof op die dorp verskyn.

Sy is op borgtog van N$2 500 vrygelaat.

Me. Adelma Seibes is deur die Teenkorrupsiekommissie (ACC) in hegtenis geneem nadat ‘n ondersoek gewys het sy het na bewering ‘n vervalste titelakte aan die munisipaliteit voorgelê en te kenne gegee sy is besig om haar eiendom aan mnr. Andries Jacobs te verkoop.

Seibes het dit glo gedoen om erf 1399 op die dorp ter waarde van N$234 236,30 as deel van die behuisingskema vir munisipale amptenare van die munisipaliteit te koop.

Munisipale reëls bepaal personeel wat aansoek doen om ‘n erf te koop, mag ten tyde daarvan nie oor ‘n ander erf of eiendom op Otjiwarongo beskik nie.

Indien wel, moet hulle binne 90 dae ná hulle om die erf aansoek gedoen het, bewys aan die munisipaliteit lewer dat hulle hul bestaande eiendom verkoop het.

Die ACC sê in ‘n verklaring dít is na bewering waarom Seibes dokumentasie vervals het en die munisipaliteit oor die transaksie tussen haar en Jacobs om die bos gelei het.

Sy het die erf, wat sy na bewering op hierdie bedrieglike wyse bekom het, later aan mnr. Otto Iipinge, goewerneur van Otjozondjupa, verkoop sonder dat sy glo ‘n sent daarvoor betaal het.

Seibes se verhoor is tot 28 Augustus uitgestel om haar geleentheid te gee om ‘n regsverteenwoordiger aan te stel.

Soortgelyk

 

Outjo-aanval: Drie verskyn in hof

11 ure gelede | Misdaad

Drie verdagtes wat in verband met die Gemsbokoord skietvoorval in hegtenis geneem is, het vanoggend om 09:00 hul eerste verskyning in die hof op Outjo...

Regering steun hidroponiese voer

12 ure gelede | Landbou

Die kabinet het Dinsdag aangekondig Namibië sal die grootskaalse kweek van hidroponiese dierevoer aanpak. Mnr. George Simataa, kabinetsekretaris, het aangekondig 7 000 boere – 500...

ECN-besluit 'n ramp'

1 dag gelede | Politiek

Denver Kisting – Die hoofverkiesingsbeampte, mnr. Theo Mujoro, sê die Verkiesingskommissie van Namibië (ECN) word gepenaliseer omdat hy die wet toepas.Dít, sê Mujoro via WhatsApp...

'Namibiërs het vertroue in demokrasie verloor'

1 dag gelede | Politiek

Denver Kisting – Die bekende politiekewetenskapdosent prof. André du Pisani sê mense het vertroue verloor in demokrasie se legitimiteit om voldoende te presteer.Hy het dié...

Nog bietjie slaap, nog bietjie sluimer

1 dag gelede | In beeld

Die ministerie van die omgewing en toerisme het besoekers aan die Etosha Nasionale Park gister om verskoning gevra toe die Andersson-hek laat oopgemaak het. Toerbusse,...

RDP registreer kandidate te midde twis

1 dag gelede | Politiek

Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van...

Weer vir 17 Oktober

1 dag gelede | Weer

WEERWAAK: Winderige toestande duur oor die hele land voort. Swaar reën kan oor plekke in die //Kharasstreek voorkom. Inwoners word aangeraai om die nodige voorsorg...

Outjo-aanval: Twee vandag in hof

1 dag gelede | Howe

Elvira Hattingh - Twee verdagtes is in verband met Maandag se Outjo-aanval in hegtenis geneem en sal vandag hul eerste verskyning in die hof op...

Gay-huwelike: Niks verander vir Namibië

1 dag gelede | Gesondheid

Henriette Lamprecht – Die moderatuur van die NG Kerk in Namibië is “diep besorg” oor spanning en ongelukkigheid by lidmate en leraars oor ’n besluit...