Otavi-raad vat grond terug

Soek N$8 m. vir erwe

10 October 2019 | Plaaslik
Augetto Graig - Inwoners van Otavi aan wie erwe toegeken is, moes teen gister die volle koopprys daarvan betaal het, andersins verloor hulle die grond.

Dié opdrag kom van die Otavi-dorpsraad.

Volgens die uitvoerende hoof van die dorpsraad, mnr. Moses Matyayi, skuld inwoners die munisipaliteit N$17 miljoen weens wanbetaling. Die geldtekort maak dit vir die plaaslike owerheid moelik om aan sy mandaat te voldoen.

Die dorpsraad het op 3 Julie aangekondig 185 kontanterwe is te koop. Die sluitingsdatum van die aanbod was 2 Augustus. Die erwe is almal in Khoaeb uitbreiding 4 geleë.

Die dorpsraad beoog om net minder as N$8 miljoen met dié verkoop in te samel. “Die geld sal gebruik word om instandhouding, belegging in infrastruktuur, en die diens van ander grond in Otavi te finansier,” het Matyayi gesê.

Inwoners is erg ongelukkig oor die sperdatum.

Mnr. Johannes Johannes, ’n inwoner, sê hy het tevergeefs die dorpsraad oor sy kommer probeer spreek. “Ons as inwoners het volle begrip vir die finansiële behoeftes van ons raad, maar verwag dat die raad kennis dra van die ekonomiese situasie waarin ons regering en Namibiërs hulself bevind. Daarom moet hulle redelik optree soos voorgeskryf deur die plaaslike wet.”

Johannes het gesê die meeste inwoners kon eenvoudig nie so vinnig so baie geld bymekaarmaak nie. Die erwe kos tussen N$39 000 en N$60 000 elk.

“Ek het aan die raad voorgestel om ekonomies lewensvatbare betaalmetodes aan die inwoners te bied, afhangende van hul inkomste,” het hy gesê.

Volgens Matyayi bied die dorpsraad ander maniere aan inwoners om grond op die dorp te bekom. Dit sluit onder meer in behuisingskemas soos dié van die Nasionale Behuisingsonderneming (NHE), die Shack Dwellers Federation en die Build Together-program wat ontwikkeling deur openbare-private-vennootskappe en direkte verkope aanvul. Oor die laaste drie jaar is 70 erwe aan die Shack Dwellers toegeken. Die laaste groep van 21 begunstigdes bou tans hul huise in Khoaeb uitbreiding 3, het hy gesê.

Matyayi het gesê sedert 2015 het die dorpsraad 53 erwe aan mense op hul waglys toegeken. Net ses van hiervan het vir hul grond betaal, terwyl daar op geen van die erwe gebou is nie.

Die uitvoerende hoof het gesê 78 erwe is aan die NHE toegeken vir die nasionale massabehuisingsprogram en 21 Otavi-inwoners op die Build Together-waglys is hierdeur begunstig. In die 2018-’19-boekjaar het die dorpsraad self 148 erwe gediens wat deur Build Together aan inwoners toegeken sal word. Nog 120 erwe is aan die nabye B2Gold-goudmyn toegeken vir die bou van werknemershuise. Die Ohorongo-sementaanleg het 30 erwe gekry om behuising vir hul werknemers te bou.

Matyayi het gesê die dorpsraad het doelbewus inwoners gekies wat al lank op hul behuisingswaglys is. Dié wat weens ekonomiese omstandighede nie die geleentheid kan benut, sal in die nabye toekoms ook gehelp word.

“Op die oomblik het die dorpsraad 18 nedersettings met meer as 5 000 erwe goedgekeur. Dit is egter weens 'n geldtekort nog nie gediens nie.”

Soortgelyk

 

Covid-19: 5de nuwe geval binne 4 dae

17 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...