Oshakati-hospitaal vervalle, onderbeman

Dringende gevalle na private hospitale

20 September 2019 | Ministeries
Ileni Nandjato – Die Oshakati-staatshospitaal met sy 750 beddens het nie ‘n pediater, neonatale dokter, neurochirurg, dieetkundige, kliniese sielkundige of ander spesialiste nie.

Die hospitaal bedien jaarliks byna ‘n miljoen pasiënte.

Die minister van gesondheid en maatskaplike dienste (MoHSS), dr. Kalumbi Shangula, het ‘n beroep op die private sektor gedoen om die krisis by die hospitaal te help oplos.

Verskeie diagnostiese masjiene is buite werking en burokrasie veroorsaak vertragings in die vervanging en herstel daarvan.

Shangula was aan die woord tydens First National Bank se oorhandiging van mediese toerusting en die ingebruikneming van ‘n fluoroskopiemasjien by die verwysingshospitaal.

Die hospitaal se mediese superintendent, dr. Korbinian Vizcaya Amutenya, sê die hospitaal, wat meer as ‘n miljoen mense in al die noordelike streke en ook suidelike Angola bedien, verkeer in ‘n kritieke toestand.

Die hospitaal se CT-skandeerder, fluoroskopie-, mammogram-, magnetiese resonansie-angiogram (MRA)- en digitale X-straalmasjiene is almal volgens Amutenya ‘n geruime tyd reeds buite werking.

In die lig hiervan moet die hospitaal pasiënte noodgedwonge Windhoek toe stuur en dringende gevalle vir X-strale na duur private hospitale.

Ook is die moraal onder personeel, wat oorlaai is, laag.

“Die fluoroskopiemasjien is nou van die lys af, maar die mammogram-masjien is nog nie hier nie, so ook nie die MRA-masjien nie. Die CT-skandeerder is stukkend en die vervaardiger kom weens uitstaande betalings nie om dit te herstel nie,” het Amutenya gesê.

“As hierdie items nie hier is nie het dit ernstige finansiële implikasies vir die ministerie omdat ons die dienste op ‘n ander plek moet kry, en dit is duur.”

Volgens Shangula het die regering meer as N$5 miljoen bestee aan die herstel van die fluoroskopiemasjien, wat in 2011 gebreek het. Hy het gesê ander toerusting sal ook vervang word.

“Die Namibiese regering is toegewy aan die verskaffing van gehalte-gesondheidsorg aan Namibiërs. Dit is waarom geld beskikbaar gemaak is om die fluoroskopiemasjien te herstel. Die regering sal sy bes doen om te verseker ander mediese toerusting soos wat die superintendent uitgelig het, is beskikbaar sodat die hospitaal die dienste uiteindelik kan bied,” het Shangula gesê.

Hy het gesê dit kan nie deur die ministerie alleen gedoen word nie, maar dat elkeen, insluitend die sakewêreld, moet bydra.

Volgens Amutenya breek die masjiene omdat die hospitaal ‘n verwysingshospitaal vir al die distrikshospitale in die Oshana-, Ohangwena-, Omusati-, Oshikoto-, Kavango- en Kunenestreek is.

Angolese gesondheidsdienste verwys ook pasiënte na dié hospitaal, wat gesondheidsdienste aan meer as 950 000 mense lewer.

“Al hierdie mense kom na ons toe, maar die toerusting wat ons het, voldoen nie in die aanvraag nie. Die CT-skandeerder is ontwerp om net sowat 200 000 uitvalle te doen voor die buis vervang moet word. Weens die aanvraag het ons masjien gebreek. Dit moes meer as 500 000 uitvalle doen,” sê Amutenya.

“Ons is veronderstel om ten minste twee of drie skandeerders te hê sodat dinge glad verloop. Omdat ons hulpbronne so beperk is, moet ons werk met dit wat ons kan bekostig.”

[email protected]

Soortgelyk

 

Valskerm-ongeluk eis Chinese vrou

5 ure gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Frankfurt-vlugte het hervat

6 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

6 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

7 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Laat koppe rol - Jooste, SPYL

23 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

23 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

23 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

23 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

23 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...