Oscars dié jaar in talle blink mense se hande

15 April 2021 | Kuns en vermaak
Die eerste aanbieders vir vanjaar se Oscaraand op 25 April is bekend gemaak.

Hulle is onder andere die akteurs Harrison Ford, Brad Pitt, Joaquin Phoenix, Laura Dern, Renée Zellweger, Angela Bassett, Halle Berry, asook die regisseur van verlede jaar se groot Oscarwenner, Parasite, Bong Joen Ho.

Soos gebruiklik gaan die vier wenners van verlede jaar se goue beeldjies die Oscars aan vanjaar se wenners oorhandig. Phoenix het die prys as beste akteur gewen vir Joker, en Zellweger was beste aktrise vir Judy. Die Oscars vir beste byspelers is gewen deur Pitt vir Once Upon a Time in Hollywood en Dern vir Marriage Story. Nog aanbieders sal later bekend gemaak word. Dit blyk dat daar soos die afgelope twee jaar nie ’n gasheer of -vrou gaan wees nie, maar talle aanbieders.

Die Oscars word weens Covid-19 vanuit twee plekke aangebied – die Union Station in Los Angeles en die gebruiklike venue, die spoggerige Dolby-teater in Hollywood.

Die vervaardigers van vanjaar se Oscarseremonie is die regisseur Jesse Collins, die vervaardiger Stacey Sher en die regisseur Steven Soderbergh. Luidens ’n verklaring gaan die aand soos ’n rolprent afspeel en volgens Indiewire meen die drie dat mense sonbrille sal moet opsit danksy al die skitterblink sterre in die vertrek.

Die rolprent Mank is voor in die koor met tien Oscar-benoemings, terwyl die prente The Father, Judas and the Black Messiah, Minari, Nomadland, Sound of Metal en The Trial of the Chicago 7, elk ses benoemings ontvang het.

Volg die bedrywighede op DStv-kanaal 124 vanaf 23:00 op Sondagaand 25 April. Die Oscarseremonie begin om 01:30 op 26 April (Maandagoggend). - Netwerk24

Soortgelyk

 

Pastoor verkrag glo tienerseuns

10 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

10 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

10 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

10 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

10 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

10 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

10 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

10 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

10 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...