Oranjemund se opening uitgestel

Die amptelike oopstelling van die myndorp Oranjemund vir toegang sonder 'n permit, is uitgestel.
Dié oopstelling sou aanstaande Saterdag geskied het, maar moes vanweë die heldebegrafnis vir die Kunene-goewerneur, me. Angelika Muharukua, uitgestel word, berig Nampa.
Die dorpsraad het aangekondig dat aangesien pres. Hage Geingob die oopstelling sou behartig en nou op dieselfde dag die begrafnis moet bywoon, dit uitgestel moes word.
Die nuwe datum vir die hierdie geskiedkundige gebeurtenis sal binnekort bekend gemaak word.