Optogte oor daggagebruik gehou

Ontmoet speaker vandag

23 April 2019 | Plaaslik
Augetto Graig - Lede en ondersteuners van die Ganja Users of Namibia (GUN) en die Rastafari United Front (RUF) het Vrydag vir die eerste keer sedert onafhanklikwording 'n openbare protesoptog vir hul reg op die gebruik van dagga sonder vervolging gehou.

Optogte is in Windhoek, asook op Swakopmund en Walvisbaai gereël.

In Windhoek het die protesoptrede gestrek van die B1 City-handelskompleks tot by die Augostenho Netto-park waar organiseerders 'n klagskrif aan die speaker van die Nasionale Vergadering (NV), prof. Peter Katjavivi, sou oorhandig. Katjavivi het egter laat weet hy sal eers vandag beskikbaar wees.

Die gebruikers om 11:00 by die Zoo Park in die middestad vergader voordat hulle om 12:00 die speaker in die parlementstuine ontmoet.

Volgens die woordvoerder van die groepe, mnr. Borro Ndungula, is daggagebruikers nie misdadigers nie.

Met verwysing na dagga wat gekonfiskeer word tydens inhegtenisnemings, het hy gesê: “Hulle moet ons dagga teruggee. Indien nie, sal ons geld bymekaarmaak en hulle hof toe neem.

“Hierdie saak kan ons wen. Hierdie wet is teen die Grondwet en ons menseregte; teen ons reg op privaatheid, ons reg op 'n regverdige verhoor, en teen ons kultuur. Rasta is ’n geloof en mens kan nie Rasta van dagga skei nie. Ons Rastas het 'n reg op ons geloof,” sê hy.

Hy het tydens die optog die gebruikers gelei in sang: “Dagga is die genesing van die nasie.”

Volgens die groepe is toepaslike wetgewing die oorblyfsels van die apartheidsera en moet verander word.

By dieselfde geleentheid het die president van GUN, mnr. Brian Jaftha, ook bekend as B-Jah, gesê een nadeel van die huidige wet is dat dit veral swart mense in die tronk laat beland, wat meestal hoofde en finansiële ondersteuners van families is. Hy sê die wet is ook verantwoordelik vir die onwettige handel in dagga, wat onbeheerbaar en roekeloos tot die versprei van nagemaakte dagga bydra.

In die klagskrif is ook 'n beroep op die regering gedoen om daggagebruikers vry te laat wat tans in die tronk vir dié oortreding is.

Gebruikers vra ook hoëvlakbesluitnemers van die regering moet in diepte die daggakwessie in die land ondersoek en ook dat die polisie daggagebruikers se menseregte respekteer. “Hulle moet ophou om ons soos misdadigers te behandel,” sê Jaftha.

Voorts wil die gebruikers hê die regering moet die mediese voordele van die daggaplant ondersoek en die gebruik van dagga wettig. "Hulle maak dit reg oor die wêreld wettig, selfs dié wat dit aanvanklike onwettig gemaak het. Hoekom moet ons altyd die laaste wees?” vra hy.

Die besit van dagga is onwettig in Namibië en oortreders loop die risiko van 'n swaar boete of tronkstraf.

Soortgelyk

 

Vier wildehonde proe vryheid

15 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

15 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

15 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

15 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

15 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

15 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

15 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

15 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

15 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...