OPTOG! maak sy buiging in Namibië

05 July 2019 | Kuns en vermaak
OPTOG! is ’n inisiatief wat in 2018 bekend gestel om kunstenaars en musikante oraloor Suid-Afrika en deur Namibië te neem om kuns en kultuur vir almal toegankliker te maak.

Die idee vir OPTOG! is deur die musiekregisseur Matthys Maree ontwikkel, wat vir talle musiekproduksies bekend is, terwyl die bekende Nataniël vir die naam verantwoordelik was en ook die “gesig” van die veldtog is.

Maandeliks vind tussen 20 en 30 produksies plaas en dit kan as ‘n voortdurende reis beskou word wat kuns en kultuur na jou tuisdorp bring.

Elke produksie is ‘n hoogtepunt – veral omdat die room van die Afrikaanse vermaakbedryf daarby betrokke is.

Van die bekende name wat al aan ‘n OPTOG!-produksie deelgeneem het, sluit in Jo Black, Laurika Rauch, Elvis Blue, Nataniël, Refentse, Sandra Prinsloo, Lizz Meiring, Margit Meyer-Rödenbeck, Stef Bos, Coenie de Villiers en Deon Meyer.

Dit is met groot opwinding dat onlangs bekend gemaak is OPTOG! gaan vir die eerste keer ‘n draai in Namibië maak. Die produksie sal eersdaags onder meer Windhoek, Tsumeb, Swakopmund en Mariental besoek.

Die eerste Namibiese OPTOG! behels Drie van die Bestes.

Dié groep bestaan uit Mathys Roets, Kevin Leo en Danie Niehaus.

Die groep is in 1997 gestig en ná verskeie suksesvolle albums, ’n bekroonde DVD-opname en optredes hier en in die buiteland, sing hierdie driemanskap Suid-Afrikaners se harte steeds aan die brand.

Ondanks elkeen se uiteenlopende musiekstyl in die vertoning – van pop tot ballades en ligte klassieke musiek – is dit veral hul a cappella- en samesang wat van hulle ’n gedugte kombinasie op die verhoog maak.

As solokunstenaars is elkeen ’n ster in eie reg: Kevin met sy kragtige tenoorstem, Mathys met die rustige, fluweelstem in die laer registers en Danie as bekroonde en veelsydige kunstenaar en liedjieskrywer.

In hierdie vertoning span hulle ook kragte met Maree, ’n bekende pianis, vir ’n ongelooflike musikale reis saam.



“Daar is reuse-opwinding aan ons kant – veral omdat dit die eerste in ’n reeks beplande toere na Namibië is.

“Dis so lekker om kuns na almal te bring, nie net na Suid-Afrikaners nie, en dit is natuurlik altyd lekker om in Namibië konsert te hou!” sê Delmari Van Zyl, OPTOG! se woordvoerder.



Buiten die beplande Drie van Die Bestes-optrede, word beoog om Jo Black ook binnekort na Namibië te bring.

“Die inligting sal binnekort bekend gemaak word, maar konserte word vir einde Julie en Augustus beplan,” sê Delmari.

Vir elke kaartjie wat vir Tsumeb, Swakopmund en Mariental se vertonings verkoop word, skenk OPTOG! N$10 aan die Namibië Boere-droogtehulpfonds.

Kompetisie

Kollig gaan twee dubbelkaartjies vir elke plaaslike vertoning weggee.

Stuur die antwoord van die onderstaande vraag voor Maandag 8 Julie om 17:00 saam met jou naam, van, e-posadres, selnommer en watter optreedatum jy verkies aan [email protected]

Die vraag is: Wie was verantwoordelik vir OPTOG!-idee?

Kaartjies sal elektronies aan wenners gestuur word.

OPTOG!-toerdatums

9 Julie, Windhoek, Windhoek-gholfklub, 19:30

11 Julie, Tsumeb, Teaterhuis, 19:30

12 Julie, Swakopmund, The Dome, 19:30

13 Julie, Mariental, Mariental Gimnasium, 19:30

Hou Kollig vir beplande toer- en optreedatums dop.

Soortgelyk

 

Outjo-aanval: Drie verskyn in hof

10 ure gelede | Misdaad

Drie verdagtes wat in verband met die Gemsbokoord skietvoorval in hegtenis geneem is, het vanoggend om 09:00 hul eerste verskyning in die hof op Outjo...

Regering steun hidroponiese voer

11 ure gelede | Landbou

Die kabinet het Dinsdag aangekondig Namibië sal die grootskaalse kweek van hidroponiese dierevoer aanpak. Mnr. George Simataa, kabinetsekretaris, het aangekondig 7 000 boere – 500...

ECN-besluit 'n ramp'

23 ure gelede | Politiek

Denver Kisting – Die hoofverkiesingsbeampte, mnr. Theo Mujoro, sê die Verkiesingskommissie van Namibië (ECN) word gepenaliseer omdat hy die wet toepas.Dít, sê Mujoro via WhatsApp...

'Namibiërs het vertroue in demokrasie verloor'

23 ure gelede | Politiek

Denver Kisting – Die bekende politiekewetenskapdosent prof. André du Pisani sê mense het vertroue verloor in demokrasie se legitimiteit om voldoende te presteer.Hy het dié...

Nog bietjie slaap, nog bietjie sluimer

23 ure gelede | In beeld

Die ministerie van die omgewing en toerisme het besoekers aan die Etosha Nasionale Park gister om verskoning gevra toe die Andersson-hek laat oopgemaak het. Toerbusse,...

RDP registreer kandidate te midde twis

23 ure gelede | Politiek

Catherine Sasman - Die Rally for Democracy and Progress (RDP) het Vrydag sy presidensiële en Nasionale Vergadering-kandidate vir November se verkiesings by die Verkiesingskommissie van...

Weer vir 17 Oktober

23 ure gelede | Weer

WEERWAAK: Winderige toestande duur oor die hele land voort. Swaar reën kan oor plekke in die //Kharasstreek voorkom. Inwoners word aangeraai om die nodige voorsorg...

Outjo-aanval: Twee vandag in hof

23 ure gelede | Howe

Elvira Hattingh - Twee verdagtes is in verband met Maandag se Outjo-aanval in hegtenis geneem en sal vandag hul eerste verskyning in die hof op...

Gay-huwelike: Niks verander vir Namibië

23 ure gelede | Gesondheid

Henriette Lamprecht – Die moderatuur van die NG Kerk in Namibië is “diep besorg” oor spanning en ongelukkigheid by lidmate en leraars oor ’n besluit...