Oproer oor olifantjag

Ministerie sê berigte is vals

13 September 2017 | Omgewing
Francoise Steynberg - Die ministerie van die omgewing en toerisme beskryf die internasionale oproer teen olifantjag in die Noordweste as "kommerwekkende, onakkurate en vals berigte".

Mnr. Romeo Muyunda, woordvoerder van die ministerie, het in 'n mediaverklaring gereageer op internasionale mediaberigte en briewe waarin beweer word die regering het die jag van drie olifante in dié gebied goedgekeur, wat sal lei tot die uitwissing van die sogenaamde woestynolifante.

"Streng gesproke is daar nie so iets soos woestynolifante nie. Al ons olifante is Afrika-olifante (Loxodonta africana)," sê die verklaring.



Die ministerie sê hulle is bewus van spesifieke nieregeringsorgasnisasies (NGO's) en individue wat werk teen die volhoubare gebruik van wildbronne deur landelike gemeenskappe.

"Hierdie spesifieke NGO's en individue het geen navorsingspermitte om navorsing in die Kunene- en Erongostreek of êrens anders in die land te doen nie en hulle het ook geen ooreenkomste met die ministerie oor hul aktiwiteite nie," sê Muyunda.

"Hul aktiwiteite en uitsprake oor olifantbewaring is skynbaar nie bedoel om samewerking met die ministerie en ander bewaringbelanghebbendes te bevorder nie en ons vra hulle om van hierdie onverantwoordelike gedrag af te sien. Die ministerie kan nie toelaat dat hulle verwarring onder landelike gemeenskappe of die publiek veroorsaak en Namibië se bewaringsbeeld skaad nie."

Die ministerie meen dit het negatiewe gevolge vir die gemeenskapsgebaseerde natuurlike hulpbronbestuurprogam en doen 'n beroep op die Namibiese publiek en die internasionale gemeenskap om "hierdie onakkurate, vals berigte en aannames oor ons olifante en volhoubare gebruikpraktyke te ignoreer".

Volgens die natuurbewaringswet, die olifantbestuurplan, die nasionale beleide oor gemeenskapsgebaseerde natuurlike hulpbronbestuurprogam en mens-dier-konflikbestuur, is twee olifante ingesluit in die wildgebruikkwota vir 2017 vir die Ohungu- en Otjimboyo- kommunale gebiede - een vir bewaringsjag en een vir eie gebruik.

Een ander olifant is as probleemdier in die Sorris Sorris-bewaringsgebied geïdentifiseer.

Dit is hierdie drie olifante wat die onderwerp van bespreking is op sosiale media, in mediaberigte en briewe wat deur die ministerie ontvang is.

INKOMSTE VIR GEMEENSKAPPE

"Let wel dat die ministerie net so wel kon besluit het om hierdie olifante van kant te maak soos in ander gevalle en ander dele van Namibië oor dekades gedoen is as deel van normale wildbestuurpraktyke. Om hulle beskikbaar te maak om gejag te word, is egter die voorkeurstrategie, aangesien inkomste in die proses vir die betrokke gemeenskappe gegenereer kan word."

Volgens die ministerie het die 83 bewaringsgebiede tot dusver meer as N$50 miljoen uit die gebruik van wild, olifantjag ingesluit, per jaar voortgebring.

Voorts styg mens-dier-konflik en in 2016 is meer as 5 000 gevalle by die ministerie aangemeld met selfs mense wat hul lewens in olifantaanvalle verloor het.

"Konflik tussen mense en olifante in die Kunene- en Erongostreek is niks nuuts nie," sê die ministerie.

Hulle meen die aggressie van dié olifante en hul nuwe migrasieroetes in die binneland is 'n "aanduiding van versteuring in die Ugabrivier, moontlik veroorsaak deur onverantwoordelike ekotoerisme en voertuie".

Die ministerie is ook gekant teen sommige NGO's en inidividue wat die olifante name gee om toeriste te lok.

"Olifante is wilde diere en nie troeteldiere nie. Berigte is ook ontvang dat hommeltuie te naby aan olifanttroppe gevlieg word en hulle steur," lui die verklaring.

Die ministerie waarsku opsetlike versteuring van 'n spesiaal beskermde spesie is 'n strafbare oortreding.

"Namibië is verbind tot die volhoubare gebruik van wildbronne wat lei tot goeie bewaring en wildbestuur. Dit is algemene kennis dat toerisme en trofeejag van die belangrikste bedrywe is wat sterk bydra tot die bruto nasionale produk."

OLIFANTGETALLE

Die ministerie sê daar is vandag meer olifante in Namibië as ooit - meer as 22 000 - ook in die Kunene- en Erongostreek, met 'n groeikoers van 3,3% per jaar. Volgens die ministerie se lugopname in 2016 is daar altesaam 1 716 olifante in die Erongo- Kunene- en Omusatistreek wat selfs so ver suid as by die Ugab- en Omarururivier en ander wesvloeiende riviere voorkom.

Volgens lugopnames is daar altesaam 4 627 olifante in die Noordweste, waarvan 2 911 in die Etosha Nasionale Park is.

"Die rede vir die groei in getalle is dat hulle 'n waarde het en gemeenskappe die reg het om wild te bestuur, te gebruik en 'n aansienlike inkomste daaruit te kry. Om wild en hul habitat te beskerm, hou dus beloning vir hulle in," sê Muyunda.

Soortgelyk

 

Trump laat Amerika bloos oor 'Nambia"

8 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

18 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

Droogtenood in Suide al groter

18 ure gelede | Omgewing

Ronelle Rademeyer 'n Projek, onder aanvoering van die Keetmanshoop Streekslandbou-unie (SLU), is tans werksaam om dringend voer vir vee op meer as 50 plase in...

wenfoto by Hakos gekiek

18 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

18 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

18 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

18 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

18 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

18 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...